Sýningin fer fram í Gömlu síldarverksmiðjunni á Djúpavík, aðgengi er takmarkað. Fara þarf um 12 tröppur með handriði til að komast inn í rýmið. Sýningin er á tveimur hæðum og brattar tröppur liggja á milli hæða. Gólfið er hrátt steinsteypugólf. Á staðnum eru ekki aðgengileg salerni en almenn salerni eru á Hótel Djúpavík, sem er í 5 mínútna göngufjarlægð frá sýningarrými. Engin sérmerkt stæði fyrir hreyfihamlaða eru við húsið en hægt er að leggja á grasi nálægt inngangi.

The Factory er árleg listasýning sem haldin er í gömlu síldar verksmiðjunni í Djúpavík. Á sýningunni er ólíkum miðlum samtímalistar fléttað saman við liðna tíma og þannig verður til vettvangur fyrir fjölbreytilega list og óvænt skyn hrif. 

Árið 2026 er þema sýningarinnar tengsl og verður m.a. unnið með staðbundna list í beinum tengslum við sjálfa verksmiðjubygginguna. Hvað gerist þegar sýningarrýmið er ekki einungis skel utan um listina heldur tekur raunverulega þátt í sköpunarferlinu? 

Þemað leiðir einnig hugann að andstæðum tengsla: firringu og aftengingu. Á sýningunni verður kafað í heim skáld­skapar, drauma, arfleifðar, fortíðarþrár og framtíðar.

Opnun: 23. maí kl. 21:00
Opnunartími: Daglega kl. 10:30–18:00

The Factory er listasýning á Djúpavík.

Djúpavík er lítill bær á Vestfjörðum.

Sýningin er í gömlu verk·smiðjurými.

Margir listamenn sýna verk á sýningunni.

Sum verkin eru unnin fyrir sýningarstaðinn.

Á Djúpavík er ekki gott aðgengi fyrir hjólastóla.

medium

Sýningin fer fram í Listasafni Samúels í Selárdal. Malarslóði liggur um sýningarsvæðið, rampar eru inn í hús Listasafnsins og engin þrep á leiðum gesta. Á staðnum er rúmgott salerni með vaski en engum stuðningsslám. Ekki er sérmerkt bílastæði fyrir hreyfihamlaða en leggja má bílum nálægt inngangi.

Í Selárdal, þar sem tíminn virðist líða hægar og verk Samúels Jónssonar birtast í landslaginu eins og minn­ingar mótaðar í steypu, mætast ólíkar raddir í sameigin­legum hljómi. Listafólk sem starfar í Listvinnzlunni heldur sýningu á nýjum verkum á Listasafni Samúels. 

Megináhersla sýningarinnar er skúlptúrar sem unnir eru í samtali við einstakan höggmyndagarð Samúels og verða hluti af garðinum. Samúel sótti fanga víða um heim en reisti verk sín í Selárdalnum. Þannig færði hann heiminn til sín í Selárdalinn. 

Hér tekst listafólkið á við nýjan miðil, nýtt rými og nýjar aðstæður; list sem lifir undir berum himni og mótast af veðri og vindum. Samúel var á sínum tíma jaðarsettur í list sinni. Hann var sjálfmenntaður, óhefðbundinn og stóð utan meginstrauma. Sú reynsla endurómar í samtímanum þar eð fatlað lista­fólk er enn jaðarsett í listasenunni. 

Í þessari sýningu myndast fallegur og kraftmikill ómur milli Samúels og  listafólksins; samhljómur á milli samtímalistar og alþýðu­listar, fortíðar og nútíðar, á milli Reykjavíkur og Selárdals, á milli miðju og jaðars og á milli ólíkra kynslóða. 

Sýningin er virðing, viðbragð og áframhald; lifandi vitnis­burður um að listin finnur sér farveg, jafnvel – og kannski einna helst – utan hins hefðbundna.

Opnun: 24. maí kl. 15:00
Opnunartími / Alltaf opið

Listvinnzlan heldur myndlistar·sýningu á Listasafni Samúels. 
Listvinnzlan er hópur listafólks.

Listasafnið er í Selár·dal á Vestfjörðum.

Samúel Jónsson var listamaður sem bjó í Selár·dal.

Hann bjó til höggmyndir sem eru á listasafninu.

Listafólkið á sýningunni sýnir nýjar höggmyndir.

Þær eru búnar til út frá höggmyndunum hans Samúels.

Listafólkið hjá Listvinnzlunni gerir líka list sem er öðruvísi.

Á listasafninu er aðgengi fyrir hjólastóla.

En það getur verið erfitt að komast um allt svæðið.

Aðgengi í Eldborg er almennt gott. Auðvelt er að komast inn og um hús og lyftuaðgengi er á milli hæða. Átta hjólastólastæði eru í Eldborg. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Flutningur á 8. sinfóníu Mahlers er án nokkurs vafa stór­viðburður í íslensku tónlistarlífi og markar tíma mót í sögu Sinfóníuhljómsveitar Íslands. Þetta stór virki tónlistar­sögunnar hefur aldrei áður verið flutt hér á landi og nú er öllu tjaldað til. Verkið hlaut snemma viðurnefnið sinfónía þúsundanna þar sem flutningur þess kallar á óvenjulegan fjölda flytjenda, jafnt söngvara sem hljóðfæraleikara. 

Á sviðinu verða á fjórða hundrað flytjendur: óvenjustór hljómsveit, átta einsöngvarar, kór og barnakór. Mahler samdi þetta áhrifaríka tónverk á aðeins sex vikum árið 1906, sem risavaxinn fagnaðaróð til kærleikans og mennskunnar, uppfullan af bjartsýni og trú á mannkynið. Mahler var sannfærður um að skilaboð verksins ættu erindi við heimsbyggðina og enn í dag er hver flutningur verksins í raun alþjóðlegur tónlistarviðburður.

Gustav Mahler var tónskáld frá Austurríki.

Sinfónía er tónverk fyrir mörg hljóðfæri.

Sinfónía 8 er um ást og trú á mannkynið.

Þetta er í fyrsta skipti sem sem sinfónía 8 er spiluð á Íslandi. 

Þetta er mjög stór tónlistarviðburður.

Sýningin fer að mestu fram utandyra í kringum Gróðurhúsið á Lækjartorgi. Lækjartorg er hellulagt. Gróðurhúsið er opið á völdum tímum, rampur liggur inn í húsið er rýmið sjálft er lítið. Engin salerni fyrir gesti eru á svæðinu. Tvö sérmerkt bílastæði fyrir hreyfihamlaða eru við Pósthússtræti

Í tilefni Listahátíðar í Reykjavík hefur Fischersund hannað ilm hátíðarinnar, innblásinn af ósýnilegu lífi borgarinnar; hinum hljóðláta gróðri, sveimandi ilmi og daglegum takti hversdagsleikans sem við allajafna gefum ekki gaum. 

Ný slegið gras liggur í hrúgu við girðingarstaur, kerfill kaffærir gangstétt sem böðuð er sól, sláttuvél tætir upp fífla og hundasúrur, ómur af fjarlægu partýi, sólber sem falla eitt af öðru af nöktum greinum. 

Í gróðurhúsinu á Lækjartorgi býðst gestum að stíga inn í heim Fischersunds, anda að sér þessum ósýnilega heimi og hlusta á raddir umhverfisins. Hvernig er mjóróma söngur kerfilsins frábrugðinn þýðum tónum birkisins? Hvernig er bjartur ilmur af hundasúru frábrugðinn viðar­nótum asparinnar? 

Komdu í heimsókn og upplifðu umhverfi okkar með nýju nefi og augum.

Fischersund býr til ilm Listahátíðar í Reykjavík.

Sýningin er í Gróðurhúsi á Lækjartorgi.

Hún er bæði úti og inni í Gróðurhúsinu.

Ilmurinn minnir á náttúru og lykt í Reykjavík.

Aðgengi í Hafnarhúsinu er almennt gott. Auðvelt er að komast inn og um hús og lyftuaðgengi er á milli hæða. Aðgengilegt salerni er á 1. hæð. Þrjú sérmerkt bílastæði eru við safnið.

Sjónlýsingar: Hægt er að panta  sjónlýsingu fyrir blint og sjónskert fólk um sýninguna. Panta þarf með fyrirvara.

Karin Sander er heimsþekkt þýsk listakona sem hefur ræktað tengsl við Ísland allt frá fyrstu heimsókninni fyrir þrjátíu árum. Listasafn Reykjavíkur setur nú upp yfirgrips ­ mikla sýningu með glænýjum og eldri verkum hennar. 

Mörg verka Karinar eru innblásin af náttúru landsins, menningu og samfélagi. Verkin byggja gjarnan á þátttöku gesta og hugmyndum um samspil efnis, tíma og staðar. 

Á sýningunni Karin Sander 1957­-2057 er fjallað um staðar­  vitund í landfræðilegum, líkamlegum og huglægum skilningi. Sýningargestum er boðið að láta skanna sig  og prenta af sér smástyttu; auðir strigar á víðavangi  safna áferð við mismunandi aðstæður; og neonskilti staðsetur áhorfendur í Hafnarhúsi samkvæmt mælingum Google Earth. 

Karin Sander (1957) er þekkt fyrir hugmyndafræðilega nálgun sína á efni og rými þar sem hún vinnur með hversdagslega hluti, arkitektúr og stafræna miðla. Verk hennar hafa verið sýnd á virtum alþjóðlegum vettvangi, þar á meðal Arkitektúrtvíæringnum í Feneyjum 2023, Kunstmuseum Winterthur og SFMOMA. Árið 2018 vann Karin samkeppni um útilistaverk í Vogabyggð í Reykjavík.

Opnunartímar: Daglega 10:00-17:00 og fimmt 10:00-22:00

Karin Sander er listakona frá Þýskalandi.

Hún heldur listasýningu í Hafnarhúsinu.

Hafnarhúsið er hluti af Listasafni Reykjavíkur.

Á sýningunni eru mörg verk eftir Karin.

Þú getur tekið þátt í sumum verkunum.

Þú getur til dæmis látið gera litla styttu af þér.

Þýska listakonan Karin Sander með sýningu í Listasafni Reykjavíkur

Viðburðurinn fer fram á Hörputorgi, svæðið er malbikað. Viðburðurinn er 30 mínútur að lengd og gert er ráð fyrir að gestir standi. Hægt er að fá sér sæti í áhorfendatröppum við Landsbankahúsið og á bekkjum á svæðinu. Aðgengileg salerni eru í Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

Í tilefni af opnun Listahátíðar 2026, hefur Samúel Jón Samúelsson samið nýtt tónverk sem nefnist Loftvægi fyrir allar fjórar skólahljómsveitir Reykjavíkurborgar. Loftvægi er gamalt hugtak yfir loftþrýsting sem vísar í jafnt vægi allra sem blása í verkinu. 

Verkið verður frum flutt af hátt í 600 ungmennum sem leika í hljómsveit unum á málm­  og tréblásturshljóðfæri auk slagverkshljóðfæra. Hljóm­sveitirnar koma leikandi hver úr sinni áttinni en sameinast og tengjast að lokum í einstakri tónlistarupplifun á Hörpu­torgi og nær þá upphaf Listahátíðar hápunkti. 

Skólahljómsveitir Reykjavíkurborgar sinna afar mikil­vægu tónlistarstarfi sem litað hefur líf borgarbúa ára­tugum saman og jafnað tækifæri ungmenna til þess að stunda tónlistarnám. 

Skólahljómsveitir Vesturbæjar og Austurbæjar hafa starfað frá árinu 1954, Skólahljómsveit Árbæjar og Breiðholts frá árinu 1968 og Skólahljómsveit Grafarvogs hóf starfsemi 1992. Samúel er básúnuleikari og tónskáld og hefur leikið með óteljandi hljómsveitum og tónlistarfólki, samið mikið af tónlist og útsett. Hann lauk meistaranámi í tónsmíðum við Lista háskóla Íslands árið 2023. Samúel hefur fengist við tónlistar kennslu og stjórnað skóla hljómsveitum Reykjavíkur. Hann hefur því góða innsýn inn í starfsemi sveitanna. 

Að listrænni útfærslu, auk Samúels og Láru Sóleyjar Jóhannsdóttur, listræns stjórnanda Listahátíðar, kemur Valgerður Rúnarsdóttir, danshöfundur.

4 skóla·hljómsveitir í Reykjavík spila verkið.

Í skóla·hljómsveitum spila börn til dæmis á trompet og trommur.

Í skóla·hljómsveitunum eru 600 börn.

Hljómsveitirnar koma labbandi úr mörgum áttum.

Samúel Jón Samúelsson bjó til tónverkið.

Viðburðurinn fer fram á Hörputorgi, svæðið er malbikað. Viðburðurinn er 20 mínútur að lengd og gert er ráð fyrir að gestir standi. Hægt er að fá sér sæti í áhorfendatröppum við Landsbankahúsið og á bekkjum á svæðinu. Aðgengileg salerni eru í Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft.

The Air Between Us er loftfimleikaverk flutt utandyra af tveimur dönsurum sem kanna sameiginlegan snerti­punkt tveggja ólíkra einstaklinga og hvernig lifa má í jafnvægi við umhverfi okkar og aðra þrátt fyrir ólíkan bakgrunn og lífsreynslu. Þetta einstaka, heillandi verk er drifið áfram af forvitni og leikgleði. 

Höfundurinn Chloe Loftus er margverðlaunaður dansari  og danshöfundur frá Nýja­-Sjálandi. Hún flytur verkið ásamt belgíska dansaranum Florent Devlesaver sem hefur skapað sér sérstöðu í evrópsku samtímadans­senunni. Í loftinu breytist hjólastóll Florents í sameiginlegt  svið, snertiflöt sem þau nota til að fljúga, snúast hvort um annað og dansa hátt fyrir ofan áhorfendur, líkt og í þyngdarleysi. 

Í verkinu er notast við sérútbúið jafnvægiskerfi hannað af Greg Kolbe, fyrrum meðlimi Cirque de Soleil. Leikhópurinn Chloe Loftus Dance starfar í Aotearoa á Nýja­Sjálandi og hefur í tvo áratugi framleitt rómaðar sýningar sem fara víða. Hópurinn sérhæfir sig í úti­sýningum sem byggja á loftfimleikum og samtíma dansi og leggur sérstaka áherslu á samfélagslega þátttöku og aðgengi.

Sýningar:
30. maí kl. 15:30 & 17:00
31. maí kl. 13:00 & 15:00

Verkið er um að vera ekki eins en vinna saman.

Aðgengi innandyra í Listasafni Íslands er almennt gott. Auðvelt er að komast inn og um hús og lyftuaðgengi er á milli hæða. Aðgengilegt salerni er á 1. hæð. Eitt sérmerkt bílastæði fyrir hreyfihamlaða er í Tjarnargötu en einnig er leyfilegt að keyra stíginn að inngangi safnsins ofan við Fríkirkjuna og hleypa út úr bílnum.

Sjónlýsingar: Hægt er að panta sjónlýsingu fyrir blint og sjónskert fólk um sýninguna. Panta þarf með fyrirvara.

James Merry hefur á síðasta áratug skapað grímur sem eru í raun umbreytingarafl, driffjöður í listgjörningum og gátt að breyttri sjálfsmynd. Í brennipunkti sýningar­innar er augnablikið þegar hamskiptin verða – þegar formið og sjálfið flæða saman. Ummyndlingar er fyrsta yfirlits sýningin á verkum Merrys en þar verða rúmlega áttatíu verk.

Grímurnar bera vitni um einstakt handbragð þar sem blandað er saman hefðbundnum aðferðum og öðrum nýstárlegri; útsaumur, málmsmíði, þrívíddarprentun, silfur smíði og gagnvirk, stafræn verk. Úr verður sveigur síkvikra sköpunarverka er veita okkur djúpstæða innsýn í óbilandi hrifningu Merrys á lífríkinu, sem og áhuga hans á fornleifafræði og fornum helgisiðum.

Margar af grímunum á sýningunni skapaði lista maðurinn fyrir Björk Guðmundsdóttur en þau hafa átt í listrænu sam starfi til lengri tíma. Á sýningunni verða einnig verk sem unnin hafa verið fyrir aðra listamenn eins og Tildu Swinton og Iris van Herpen. Sum þessara verka hafa  áður verið sýnd á listviðburðum og hátískusýningum en hér gefst einstakt tækifæri til að upplifa grímurnar sem sjálfstæð verk.

James Merry er listamaður frá Bretlandi.

James er með sýningu á Listasafni Íslands.

Um·myndlingur þýðir að breytast í eitthvað annað.

Björk Guðmundsdóttir hefur notað sumar grímurnar.

Á hálfrar aldar ferli hefur Björk Guðmundsdóttir verið óþreytandi við að þenja hefðbundin mörk tónlistar­ formsins og í stöðugum tilraunum sínum ofið saman listum, náttúru og tækni.

Þrjár innsetningar veita gestum einstakt tækifæri til að upp lifa alltumlykjandi verk sem búa yfir kynngimagnaðri hljóðrænni, sjónrænni og tilfinningalegri dýpt. Tvö þeirra eru tregaljóð, samin og útsett af Björk í minningu móður hennar, og hið þriðja er nýtt verk af væntanlegri plötu Bjarkar. Í Ancestress er tekist á við hringrás lífsins. Í afskekktum dal birtist okkur eins konar helgiganga tónlistarfólks og dansara. Verkið er samið og útsett af Björk fyrir strengja sveit og slagverk. 

Hið pólýfóníska þriggja­kóra­verk Sorrowful Soil er sálu­ messa þar sem kanón­legar laglínur veltast um á milli radda. Úr þrjátíu hátölurum berast einstaka raddir með­lima Hamrahlíðarkórsins, undir stjórn Þorgerðar Ingólfs­dóttur. Verkið er samið og útsett af Björk fyrir níu radda kór. 

Samhliða sýningu Bjarkar stendur yfir sýning James  Merry í sal 4, Ummyndlingar, en tvíeykið hefur unnið náið saman í fjölda ára.

Björk er með sýningu á Listasafni Íslands. 

Björk samdi 2 verk í minningu um mömmu sína.

Innsetning er listaverk úr mismunandi hlutum.

Á sýningunni eru til dæmis tónlist og vídjó.

Klúbburinn vaknar úr dvala og skartar enn á ný sínu fegursta! 
Kvöldið hefst á kröftugri klúbbastemningu með frumsýningu á Move With Pride. 

Áhorfendur taka stökkið inn í Klúbbinn með plötusnúði og fjölbreyttum hópi hinsegin flytjenda. Við fáum að heyra sögurnar sem leiddu flytjendurna út á dansgólfið; sögur um sársauka, ást, tár, svita, reiði og gleði ... og taktinn sem stöðvast ekki þótt sýningunni ljúki. 

Plötusnúðurinn Seth Sharp þeytir gestum svo um dansgólfið fram á nótt.

Move With Pride er dansverk eftir Rebeccu “Ondina” Hidalgo í samstarfi við Íslenska dansflokkinn.

Þátttökuverk um fegurðina í ófullkomleikanum

Í Heiluninni er grunngjörðin að sleppa tökum á því sem er brotið, rofið eða virkar ekki lengur. Brotið leirtau öðlast merkingu í nýju samhengi, þar sem þau sameinast og mynda stærri heild í mósaíkmynd sem verður til með þátttöku gesta. Samhliða mósaíkverkinu verður til hljóðverk byggt á nafnlausum frásögnum um það brotna í lífinu.

Brothætt: Ritual I - Heilunin - Klúbbur Listahátíðar

Listamannalaun, Dansverkstæðið & Fagurferðum

Krakkakaffihúsið býður upp á sköpun, leiki og veitingar fyrir unga sem aldna gesti. Þar hafa börnin dagskrárvaldið og fá rými fyrir frjálsan leik og sköpun, tækifæri til að taka þátt í listrænum viðburðum og til að deila kökusneið og kakóbolla með vinum. Kaffihúsið er enn fremur félagslegur vettvangur þar sem allir gestir geta orðið félagsmenn og tekið þátt. 

Aðgengi í Kassann er almennt gott. Auðvelt er að komast inn og um hús. Eitt hjólastólastæði er í salnum. Aðgengilegt salerni er á 1. hæð í húsinu, snúningsradíus fyrir framan hurð er um 1.3. meter. Tvö sérmerkt bílastæði fyrir hreyfihamlaða eru við húsið.

Rót er ný ljóðræn brúðuleiksýning fyrir alla fjölskylduna  úr smiðju Handbendi brúðuleikhúss ­ um rætur,samkennd og sögurnar sem móta okkur. Verkið gerist sumarið 1995 þegar ungur drengur hittir í fyrsta sinn ömmu sína, „abuelu“. Hún kemur frá Paragvæ þar sem litadýrð, söngur og sögur umbreyta hvers­deginum í töfrandi draumalandslag. 

Í gegnum söng,  brúðu leik og sjónræna galdra er ferðast milli Íslands og Suður­Ameríku, fortíðar og nútíðar, raunveruleika og ímyndunar. Með söng, brúðuleik og mögnuðu sjónleikhúsi kannar leikritið hvað það þýðir að alast upp milli heima og bera innra með sér ólíkar sögur. Það er mikilvægt að segja þessar sögur ­líka þær erfiðu. Hjartnæm, litrík og sjónræn sýning sem er óður til fjölskyld unnar, upprunans og fegurðarinnar sem felst í því að vera maður sjálfur. 

Handbendi er margverðlaunað brúðuleikhús á Norð­vesturlandi sem sérhæfir sig í frumlegum og áhrifaríkum sýningum fyrir áhorfendur á öllum aldri. Sýningar Hand­bendis hafa ferðast víða um lönd og notið alþjóðlegrar athygli. Handbendi var stofnað árið 2016 af Gretu Clough leikstjóra, leikara og flytjanda, og hefur síðan fest sig í sessi sem einn frumlegasti sviðslistahópur landsins.

Sýningar: 
31. maí kl. 14:00
4. júní kl. 18:00
7. júní kl. 16:00
13. júní kl. 16:00

Það er mikilvægt að segja allar sögur.

Í Þjóð·leikhúsinu er gott aðgengi.

Hrífandi verk þar sem blandað er saman dansi, lifandi hljóði, matarlist, myndefni og töluðu máli. Fjölbreyttur hópur listafólks sem hefur mótast af lífinu á Íslandi og sameinast í gegnum reykvíska grasrót fléttar einstökum röddum sínum saman í marglaga heild. Í verkinu kanna þau og fagna tengslum milli listgreina, sjálfsmynda og umhverfis.

Þórður Steinþórsson sér um gagnvirka hljóðhönnun og tónlist. Máni Sigurðsson hannar lifandi myndefni. Pola Sutryk býr til æta innsetningu og Katie Hitchcock leggur til dans og talað mál. Framlag þeirra allra er flutt samtímis og áhorfendur hvattir til að upplifa verkið með öllum skilningarvitum og sökkva sér ofan í heiminn sem listamennirnir hafa skapað.

Linked by Óheimsk - Klúbbur Listahátíðar 

Langar þig að mála stórt og sjá list þína lifna við á vegg? 


Skapandi námskeið þar sem þátttakendur kynnast tækni, hugmyndavinnu og framkvæmd veggjamálunar. Allt frá skissugerð yfir í að prófa sig áfram og skapa verk sem setur svip á umhverfið. 

Námskeiðið hentar bæði byrjendum og þeim sem vilja þróa færni sína frekar.

júní 12:00 - 16:00 - Sunnusalur, Iðnó

Veggjamálun: námskeið fyrir 16 - 20 ára

Sýningin fer fram í ófrágengnu verslunarrými í húsi Landsbankans á horni Reykjastrætis og Tryggvagötu. Lágur rampur liggur inn í rýmið. Gólfið er gróft steinsteypugólf. Tvö rúmgóð salerni eru í rýminu en þau eru ekki með stuðningsslár. Aðgengileg salerni eru á Hafnartorgi, á móti rýminu. Fimm sérmerkt bílastæði fyrir hreyfihamlaða eru í bílastæðahúsinu í Reykjastræto. Einnig eru tvö stæði í Pósthússtræti.

Sjónarhorn er samsýning fimm listamanna sem allir  vinna með ljósmyndir. Hér birtast myndir eftir þau Einar Fal Ingólfsson, Elvar Örn Egilsson, Jóa Kjartans, Maríu Kjartans og Snædísi Malmquist. 

Ljósmyndir móta sýn okkar á heiminn og Ísland er þar engin undantekning. Á síðustu árum hefur ímynd landsins á erlendri grundu einkennst af áherslum ferðamennskunnar, en þar er ekki öll sagan sögð. 

Sjónarhorn beinir athyglinni frá hinu hefðbundna og að öðrum hliðum; látlausum augnablikum úr daglegu lífi, vonskuveðri og skiltum mótmælenda. Listamennirnir nálgast viðfangsefnið Ísland hver á sinn hátt og draga fram margslungnari, flóknari, undarlegri en jafnframt fegurri mynd.

Opnun 1. júní kl. 17:00
Opnunartími: Daglega 12:00–17:00

Sýningin er í nýja húsi Landsbankans.

Ljósmyndirnar sýna Ísland á annan hátt en ferðamanna·myndir.

Á yfirlitssýningu Sköpunarmiðstöðvarinnar verða sýnd verk eftir listafólk sem tengst hefur miðstöðinni og dvalið þar í vinnustofu en miðstöðin hlaut Eyrarrósina árið 2025. Sköpunarmiðstöðin var stofnuð árið 2011 og hefur þróast sem menningarmiðstöð og alþjóðleg vinnustofudvöl sem styður við listræna sköpun, miðlun og tilraunastarfsemi  á Austurlandi. 

Sýning þessi varpar ljósi á rúman áratug  af skapandi starfsemi miðstöðvarinnar sem einkennist  af fjölbreyttum listformum, vinnuaðferðum og list rænu samstarfi. 

Opnun: 1. júní kl. 17:00
Opnunartími: Daglega 12:00–17:00

Sköpunar·miðstöðin heldur listasýningu.

Þau hafa öll unnið að list í Sköpunar·miðstöðinni.

Sýningin sýnir 10 ára starf miðstöðvarinnar.

Sköpunar·miðstöðin er á Austurlandi.

Sköpunar·miðstöðin fékk Eyrarrósina árið 2025.

Eyrarrósin eru verðlaun sem Listahátíð í Reykjavík veitir.

Staðir úti á landi sem vinna að list.

Skapandi hreyfismiðja með hinum margrómuðu höfundum og flytjendum The Air Between Us sem sýnt verður á Hörputorgi 30.- 31. maí. 

Í þessari gáskafullu smiðju þar sem listsköpun fatlaðs fólks og inngilding eru í fyrirrúmi fáið þið að vinna með ykkar eigin einstöku hreyfingar og sköpunargleði, um leið og þið öðlist innsýn í sköpunarferli listafólksins. 

Engrar reynslu er krafist - það nægir að mæta í þægilegum fötum sem þið getið hreyft ykkur í. 

Smiðjan hentar vel fólki sem starfar með fötluðum sem og fötluðu og ófötluðu áhugafólki um hreyfingu.

Endurlit er yfirlitssýning á ævistarfi Hallsteins Sigurðs­sonar (1945–2024), eins afkastamesta myndhöggvara  á Íslandi. Sýningin er haldin í vinnustofu listamannsins að Ystaseli 37 og veitir einstaka sýn inn í sköpunarferli hans og listræna þróun sem spannar sex áratugi. 

Þar mætast lykilverk úr áli, járni og steinsteypu ásamt skissum, heimildum og áður óséðu efni sem varpa ljósi á hugmynda vinnu og efnisrannsóknir. Endurlit er lifandi miðlun á arfleifð listamanns sem mótaði íslenska höggmyndalist.

Opnun 1. júní kl. 20:00
Opnunartími: Mið–sun kl. 12:00–17:00 

Endurlit er sýning á verkum Hallsteins Sigurðssonar.

Sýningin fer fram á vinnustofu Hallsteins.

Sýningin er um 60 ára ævistarf Hallsteins.

Á sýningunni eru mismunandi verk eftir Hallstein.

tóma rýmið blæs til tilraunakvölds! 

tóma rýmið hefur staðið fyrir mánaðarlegum tilraunakvöldum síðustu ár þar sem meðlimir sýna áhorfendum tilraunir og skissur að verkum sínum. Nú tekur hópurinn Iðnó yfir eitt sumarkvöld. Opnað út á milli verka til að gefa gestum færi á að koma seint, fara snemma, fá sér sopa og spjalla. Baktal og smjaður í reykingaportinu, brothættar sjálfsmyndir baksviðs. 

Verkin eru ýmist á íslensku, öðrum tungumálum eða hreinlega án orða. 

Eskifjarðarkirka: Aðgengi að Eskifjarðarkirkju er almennt gott. Auðvelt er að komast inn og um hús. Ekki er sérstakt hjólastólastæði fyrir áhorfendur en auðvelt að koma slíku fyrir. Aðgengilegt salerni er í húsinu. Tvö sérmerkt bílastæði fyrir hreyfihamlaða eru við húsið.  
Norðurljós, Hörpu: Aðgengi í Norðurljósum er almennt gott. Auðvelt er að komast inn og um hús og lyftuaðgengi er á milli hæða. Sérmerkt hjólastólastæði eru í Norðurljósum. Aðgengileg salerni eru á öllum hæðum Hörpu. 19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft. Tónmöskvi er í Norðurljósum. 

Stefán Ragnar Höskuldsson, flautuleikari, er í hópi íslensks tónlistarfólks sem náð hefur einstökum árangri í hinum alþjóðlega tónlistarheimi.

Stefán var fyrsti flautuleikari Metropolitan-óperunnar í New York frá 2008 til 2016 og hjá Sinfóníuhljómsveitinni í Chicago frá 2015 til 2025. Síðastliðið haust tók hann við stöðu fyrsta flautuleikara Fílharmóníusveitarinnar í Berlín. Hann kemur einnig reglulega fram sem einleikari og gestakennari víða um heim.

Það er mikið tilhlökkunarefni að Stefán Ragnar komi nú fram í fyrsta sinn á Listahátíð í Reykjavík. Tónleikarnir fara fram bæði í Reykjavík og á æskuslóðum Stefáns fyrir austan, í Tónlistarmiðstöð Austurlands. Hér gefst einstakt tækifæri til að hlýða á Stefán Ragnar leika með góðvinum sínum, Sigurgeiri Agnarssyni, sellóleikara, og Liam Kaplan, píanóleikara. Á efnisskránni verða verk eftir tónskáld á borð við Prokofiev, Villa-Lobos og Mendelssohn.

Eskifjarðarkirkja 2. júní kl. 19:30
Norðurljós, Harpa 3. júní kl.19:30

Stefán heldur 2 tónleika á Listahátíð í Reykjavík.

2. júní í Eskifjarðarkirkju á Austurlandi

Á tónleikunum eru líka sellóleikari og píanóleikari

Á tónleikunum eru meðal annars spiluð verk eftir:

Það er gott aðgengi á báða tónleikana.

Aðgengi að Þjóðminjasafninu er almennt gott. Auðvelt er að komast inn og um hús og lyftuaðgengi er á milli hæða. Aðgengilegt salerni er í húsinu. Tvö sérmerkt bílastæði fyrir hreyfihamlaða eru við húsið.  

Sjónlýsingar: Hægt er að panta sjónlýsingu fyrir blint og sjónskert fólk með því að senda póst með smá fyrirvara á kennsla@thjodminjasafn.is

Skynnæmir: Á 2. hæð í húsinu er rólegt afdrep.

FLÆÐI er sýning á völdum verkum Sölva Helgasonar (1820-1895) alþýðulistamanns, sem gekk undir nafninu Sólon Íslandus. 

Verk Sölva hafa alla tíð notið aðdáunar og fléttast saman við sögu hans sjálfs, alþýðulistamannsins sem lét hvorki vistarbönd né önnur boð og bönn samfélagsins hafa áhrif á líf sitt. 

Segja má að verk Sölva hafi flætt á milli tímabila og listforma en flæðið er lykilhugtak í höfundaverki hans þar sem fígúratívar teikningar, texti og ýmiskonar krot renna saman í frumlegan myndheim. Næmni hans birtist í fínlegum skreytingum þar sem blómsveigar og annað mynstur liðast um pappírinn, oft með óvæntri viðbót þegar stafir, mannsandlit eða önnur tákn birtast. Þannig vísar Sölvi í umhverfið á ferðum sínum. 

Við opnun sýningarinnar heldur hljómsveitin Mógil útgáfu tónleika á nýrri plötu sinni, en innblástur hennar er fenginn úr myndum og textum Sölva. Platan ber við­varandi áhrifum Sölva Helgasonar á listsköpun annarra glöggt vitni. Tónlist Mógils verður einnig hluti af sýningunni sjálfri. 

Opnun 1. júní kl. 20:00
Opnunartími: Daglega kl. 10:00–17:00

Komdu í kvöldkaffi með Stefáni Ragnari Höskuldssyni. 

Rætt verður við Stefán Ragnar um glæstan feril hans sem flautuleikari hjá nokkrum af virtustu sinfóníuhljómsveitum í heimi. Stefán Ragnar lumar á skemmtilegum sögum sem gefa innsýn í það sem leggja þarf á sig til að ná slíkum árangri en í æsku var hann til að mynda keyrður alla leið frá Reyðarfirði til Reykjavíkur í flaututíma.

Kvöldkaffi með Stefáni Ragnari Höskuldssyni

Listamannaspjall með Marta Czyż og Open Group um sýninguna Ode to Freedom í Nýlistasafninu. 

Open Group hefur á undanförnum árum vakið alþjóðlega athygli fyrir áhrifarík verk sem unnin eru í ýmsum miðlum og fjalla um innrásarstríð Rússlands í Úkraínu. Hópurinn samanstendur af úkraínsku listamönnunum, Yuriy Biley, Pavlo Kovachog & Anton Varga. Sýningarstjóri er Marta Czyż, listfræðingur og gagnrýnandi, sem býr og starfar í Varsjá. Hún hefur unnið með listamönnum Open Group um árabil og var sýningarstjóri pólska skálans á Feneyjatvíæringnum árið 2024. 

Listamannaspjall: Open Group & Marta Czyż

Garg er bókabúð og samfélagsrými sem færir jaðarinn inn á miðjuna og ljær röddum rými til að hafa hátt. 

Ykkur er boðið inn í Hlustunarrými Garg þar sem ykkur býðst að setjast í hring og  mynda þannig heild sem les textabrot saman og upphátt. Að þessu sinni lesum við textann The Carrier Bag Theory of Fiction eftir rithöfundinn Ursula K. Le Guin. Eftir lesturinn fara fram umræður um textann, fyrst í litlum hópum og svo ræðir allur hópurinn saman. Komum saman, hlustum, notum röddina okkar og tengjumst. 

20 pláss í boði, bókanir í tölvupósti á klubbur@artfest.is

Nærmynd er heillandi kvöldstund með tónskáldinu Hildi Guðnadóttur og Sinfóníuhljómsveit Íslands, þar sem brugðið er upp myndum af starfi hennar á síðustu árum. 

Hildur er eitt fremsta kvikmyndatónskáld samtímans og margverðlaunuð fyrir störf sín, hlaut til dæmis Emmy- og Grammyverðlaun árið 2019 fyrir tónlistina í sjónvarpsþáttunum Chernobyl og Óskarsverðlaun árið 2020 fyrir tónlistina við kvikmyndina Joker. 

Hér leiðir listakonan sjálf dagskrá þar sem hún segir frá verkum sínum, áhrifavöldum og glímunni við að styrkja frásögn kvikmyndarinnar með áhrifamikilli tónlist. Efnisskráin er samsett af tónlist Hildar sjálfrar, t.d. úr kvikmyndunum Joker, Tár og Haunting in Venice. Einnig verður flutt tónlist sem haft hefur mikil áhrif á Hildi í gegnum tíðina, m.a. úr smiðju Arvo Pärt, Ryuichi Sakamoto, Mika Levi, Kaija Saariaho og Alvin Lucier.

Hildur Guðnadóttir er íslenskt tónskáld.

Hún semur oft tónlist fyrir kvikmyndir.

Hildur vann Óskars·verðlaun fyrir tónlistan sína.

Hún er hátíðar·listamaður Listahátíðar árið 2026.

Hildur er með 3 tónleika á hátíðinni.

Nærmynd eru tónleikar í Eldborg í Hörpu.

Hildur og Sinfóníu·hljómsveit Íslands spila.

Á tónleikunum eru spiluð verk eftir Hildi.

Á tónleikunum eru líka spiluð verk sem eru ekki eftir Hildi.

Aðgengi að Listasafninu á Akureyri er almennt gott. uðvelt er að komast inn og um hús og lyftuaðgengi er á milli hæða. Tvö aðgengileg salerni eru í húsinu. Eitt sérmerkt bílastæði fyrir hreyfihamlaða er við aðalinngang hússins

Skynnæmir: Á 4. hæð safnsins er næðisrými

Svissneski listamaðurinn Zimoun býr til hljóðinnsetningar og skúlptúra úr endurunnu efni sem fellur til í daglegu  lífi og iðnaði. 

Þessi magnþrungna, dáleiðandi innsetning hefur sterk tengsl við náttúruna en snertir þó einnig á samfélagslegri gagnrýni, vélrænum ferlum, valdakerfum heimsins og ört vaxandi vélmennavæðingu. 

Zimoun nýtir sér staðbundinn efnivið sem hann virkjar með handgerðum, vélrænum ferlum. Krafs, klór, bank  og titringur umbreytir sýningarsalnum í Listasafninu í lifandi og ómandi umhverfi. 

Zimoun hefur haldið fjölda sýninga og viðburða um  heim allan, m.a. í Kóreu, Bandaríkjunum, Frakklandi, Kína og Bretlandi, og hafa verk hans ávallt vakið verðskuldaða athygli.

Zimoun heldur sýningu á Listasafninu á Akureyri. 

Zimoun gerir listaverk úr venjulegum hlutum.

Á Listasafninu á Akureyri er gott aðgengi.

Í hafnar.haus og hlemmur.haus er daglega boðið upp á ódýran og heilsusamlegan hádegisverð fyrir skapandi fólk sem vinnur á þessum stöðum. Á hverjum degi gefst færi á að tengjast fólki sem þú hefur aldrei hitt eða myndir aldrei hitta ef ekki væri fyrir óvænt kynni yfir matnum. 

Að þessu sinni færir .haus-samfélagið hádegisverðinn yfir í Klúbbinn og opnar dyrnar fyrir öllum sem vilja finna smjörþefinn af stemningunni. Hver veit, kannski hefurðu eignast nýjan vin eða mögulegan samstarfsaðila áður en máltíðin klárast.

Hádegismatur kostar 2.000 kr. Öll velkomin.

Hádegisverður með .haus-samfélaginu í Reykjavík

Aðgengi í Kling & Bang er almennt gott. Auðvelt er að komast inn og um hús og lyftuaðgengi er á milli hæða. Aðgengileg salerni er á 1. hæð. Eitt sérmerkt bílastæði fyrir hreyfihamlaða er við húsið.

Dagskrá

The Factory

Ómur

Mahler 8

Ilmheimur Listahátíðar: Fischersund

Karin Sander 1957-2057

Loftvægi

The Air Between Us

Ummyndlingar

echolalia

Rót

Sjónarhorn

Sköpunarmiðstöðin Yfirlitssýning

Endurlit

Stefán Ragnar

FLÆÐI: Sólon Íslandus & Mógil

Nærmynd

Zimoun

Hinum Megin & Gallerí Kichin

Óður til frelsisins

Ilmtónleikar Fischersunds

Draumar og veruleiki: TINNA

Himna: Goðsagnir & skáldskapur úr jörðu

Where to From

Fjölskylduhátíð í Elliðaárdal

Samhljómur kynslóða

Venutian Wetland: viibra

LOVE LOVE

Þar sem við mætumst

Ingoma! A Revolution in Rhythm

Nowhere

Heimstónlistarhátíð fjölskyldunnar í Hörpu

John Grant

Angel Blue

Klúbbur Listahátíðar

Festival hub

Opnunarpartý: Move With Pride

Brothætt: Ritual I - Heilunin

Krakkakaffihúsið

Linked by Óheimsk

Veggjamálun: námskeið fyrir 16 - 20 ára

Skapandi hreyfismiðja

Tilraunakvöld tóma rýmisins

Kvöldkaffi með Stefáni Ragnari Höskuldssyni

Listamannaspjall: Open Group & Marta Czyż

Hlustunarherbergi Garg

Hádegisverður með .haus-samfélaginu í Reykjavík

Hagyrðingakvöld & Tríó Zimsen

Arabískar nætur

Listamannaspjall: Himna

Samfélag, listir & líðan

Leidd

Ævintýri í skynsegin rými

Einhverfugreining SVAVS

Gríma: á slóðum frásagnarlistar

Lestin í lifandi flutningi

Batamatur: Codapent - gnocchismiðja