Næsta stoppistöð strætó heitir Harpa. Stoppistöðin Lækjartorg er einnig nálægt.

Nýtt, hrífandi verk eftir Önnu Þorvaldsdóttur mun flæða um Hörpu á opnunarhátíð Listahátíðar. Í METAXIS leikur sjálft tónlistarhúsið burðarhlutverk en verkið er innsetning fyrir tvístraða hljómsveit, rafhljóð og rými. Hljóðfærahópar úr Sinfóníuhljómsveit Íslands koma sér fyrir víðsvegar um húsið og áheyrendum gefst einstakt færi á að ganga um rýmið, kanna tónlistina og finna hvernig upplifunin breytist við hvert fótmál. Þannig skapast persónulegt samband hvers og eins við þetta nýjasta verk eins fremsta samtímatónskálds okkar. Hljóðheimur METAXIS er margslunginn og óvæntur rétt eins og húsið sem hann leikur um.

Anna Þorvaldsdóttir er margverðlaunað tónskáld og meðal annars handhafi tónlistarverðlauna Norðurlandaráðs. Verk hennar hafa verið flutt af mörgum helstu sinfóníuhljómsveitum og tónlistarhópum samtímans.

Verkið tekur um hálftíma í flutningi. Hljómsveitarstjóri er Eva Ollikainen, aðalhljómsveitarstjóri Sinfóníuhljómsveitar Íslands. Frumflutningur METAXIS er samstarfsverkefni Listahátíðar, Hörpu og Sinfóníuhljómsveitar Íslands.

Anna Þorvaldsdóttir og Sinfóníuhljómsveit Íslands undir stjórn Eva Ollikainen

large

Mjög gott hjólastólaaðgengi í Hörpu. Tónmöskvi er í miðasölu.

Stoppistöðin Harpa er næst Hörpu en einnig er stoppistöðin Lækjartorg nálægt.

Hið mikilfenglega stórvirki Mahlers fær að hljóma í Hörpu í flutningi Sinfóníuhljómsveitar Íslands, kóra og einsöngvara. Þriðja sinfónía Mahlers er heill heimur út af fyrir sig – í senn óður til náttúrunnar og djúphugul könnun á mannlegu hlutskipti. Tónskáldið samdi verkið við bakka Attersee í Austurríki þar sem svipmyndir af veðurfari, gróðri og dýralífi fléttuðust inn í tónsmíðarnar. „Það er sem straumur sköpunarinnar hafi hrifið mig með sér!“ ritaði tónskáldið í bréfi. Áheyrendur berast með sama straumi í heillandi ferðalag. Hinn stórbrotni fyrsti þáttur hefst á sumarkomu, þeir næstu eru helgaðir lifandi verum – blómunum á enginu, dýrum skógarinar og sjálfum manninum – en síðustu tveir þættirnir lúta að upphafnari fyrirbærum: englunum og ástinni. Lokaþátturinn er kærleiksríkur þakklætissöngur til alls heimsins.

Sinfónían krefst óvenjustórrar hljómsveitar, tveggja kóra og einsöngvara. Einsöngvari í Eldborg er þýski messósópraninn Christina Bock sem er þekkt fyrir sérlega blæbrigðaríka túlkun og hefur komið fram víðsvegar um Evrópu. Vox feminae, Kammerkórinn Aurora og Stúlknakór Reykjavíkur syngja undir stjórn Stefans Sand Groves, Sigríðar Soffíu Hafliðadóttur og Margrétar Pálmadóttur en hljómsveitarstjóri er Eva Ollikainen, aðalhljómsveitarstjóri Sinfóníuhljómsveitar Íslands.

Christina Bock og Sinfóníuhljómsveit Íslands undir stjórn Evu Ollikainen

Hver er afmörkun “Norðursins”? Hvar eru landamæri Norðurheimskautsins? SamsýninginEr þettanorður?kannar svörin við þessum spurningum og sýnir verk eftir listamenn frá hinu víðfema norðri.Þátttakendur eru Gunnar Jónsson, Anders Sunna, Máret Ánne Sara, Inuuteq Storch, NicholasGalanin, Dunya Zakharova, Marja Helander og Maureen Gruben.Er þetta norður?opnar íListasafninu á Akureyri 7. júní 2024.

Hvað einkennir þau sem sem eiga heima á slóðum norðurheimskautsins? Er að finna sameiginlegareynslu meðal Norðurlandabúa, sem þó búa við fjölbreytta menningarflóru. Eru verk listamanna fránorðurslóðum alltaf unnin undir áhrifum frá búsetu þeirra þar?Heimkynni þeirra sem taka þátt í sýningunni eru Sama-svæði Finnlands, Noregs og Svíþjóðar, Ísland,Grænland, Síberia, Alaska og Kanada. Á sýningunni verður sjónum beint að því hvernig er að búanærri heimskautsbaug, hvaða sameiginlega þætti og tengingar er að finna meðal listamanna sem búaþetta norðarlega. Þessi fjölbreyttu menningarsvæði og samfélög, sem ná frá Alaska til Skandinavíu ogSíberíu, eiga eitt sameiginlegt, Norðurheimskautið-Norðrið

Dagskrá

Metaxis

Mahler nr. 3

Er þetta norður?