Samhljómur kynslóða
Tveimur áhrifamiklum tónskáldum verður teflt saman á tónleikum Kórs Hallgrímskirkju á Listahátíð í Reykjavík, þeim Hildi Guðnadóttur, hátíðarlistamanni Listahátíðar 2026 og Jóni Nordal sem hefði orðið 100 ára vorið 2026. Á tónleikunum verða flutt nokkur af kórverkum Hildar ásamt Toccötu Jóns Nordal fyrir orgel og stórvirki hans, Óttusöngvum á vori (1993) fyrir kór, sópran, kontratenór, orgel, selló og slagverk. Meðal flytjenda eru Álfheiður Erla Guðmundsdóttir, sópran, Andrew Watts, kontratenór og Björn Steinar Sólbergsson, organisti. Stjórnandi er Steinar Logi Helgason.
Aðgengi
Aðgengi í Hallgrímskirkju er almennt gott. Auðvelt er að komast inn og um húsið. Aðgengileg salerni eru til hægri í andyri. Hægt er að óska eftir hjólastólastæði. Fjögur sérmerkt bílastæði fyrir hreyfihamlaða eru við húsið.
Tónmöskvi er í Hallgrímskirkju.
Kynlaust salerni er til hægri í andyri.