Ýtið hér fyrir nánari aðgengislýsingu og skynlýsingu á viðburði

Sýningin fer fram í Listasafni Samúels í Selárdal. Malarslóði liggur um sýningarsvæðið, rampar eru inn í hús Listasafnsins og engin þrep á leiðum gesta. Á staðnum er rúmgott salerni með vaski en engum stuðningsslám. Ekki er sérmerkt bílastæði fyrir hreyfihamlaða en leggja má bílum nálægt inngangi.

Í Selárdal, þar sem tíminn virðist líða hægar og verk Samúels Jónssonar birtast í landslaginu eins og minn­ingar mótaðar í steypu, mætast ólíkar raddir í sameigin­legum hljómi. Listafólk sem starfar í Listvinnzlunni heldur sýningu á nýjum verkum á Listasafni Samúels. 

Megináhersla sýningarinnar er skúlptúrar sem unnir eru í samtali við einstakan höggmyndagarð Samúels og verða hluti af garðinum. Samúel sótti fanga víða um heim en reisti verk sín í Selárdalnum. Þannig færði hann heiminn til sín í Selárdalinn. 

Hér tekst listafólkið á við nýjan miðil, nýtt rými og nýjar aðstæður; list sem lifir undir berum himni og mótast af veðri og vindum. Samúel var á sínum tíma jaðarsettur í list sinni. Hann var sjálfmenntaður, óhefðbundinn og stóð utan meginstrauma. Sú reynsla endurómar í samtímanum þar eð fatlað lista­fólk er enn jaðarsett í listasenunni. 

Í þessari sýningu myndast fallegur og kraftmikill ómur milli Samúels og  listafólksins; samhljómur á milli samtímalistar og alþýðu­listar, fortíðar og nútíðar, á milli Reykjavíkur og Selárdals, á milli miðju og jaðars og á milli ólíkra kynslóða. 

Sýningin er virðing, viðbragð og áframhald; lifandi vitnis­burður um að listin finnur sér farveg, jafnvel – og kannski einna helst – utan hins hefðbundna.

Opnun: 24. maí kl. 15:00
Opnunartími / Alltaf opið


Listvinnzlan heldur myndlistar·sýningu á Listasafni Samúels. 

Listasafnið er í Selár·dal á Vestfjörðum.

Samúel Jónsson var listamaður sem bjó í Selár·dal.

Hann bjó til höggmyndir sem eru á listasafninu.

Listafólkið á sýningunni sýnir nýjar höggmyndir.

Þær eru búnar til út frá höggmyndunum hans Samúels.

Listafólkið hjá Listvinnzlunni gerir líka list sem er öðruvísi.

Á listasafninu er aðgengi fyrir hjólastóla.

En það getur verið erfitt að komast um allt svæðið.

medium

Sýningin fer fram í ófrágengnu verslunarrými í húsi Landsbankans á horni Reykjastrætis og Tryggvagötu. Lágur rampur liggur inn í rýmið. Gólfið er gróft steinsteypugólf. Tvö rúmgóð salerni eru í rýminu en þau eru ekki með stuðningsslár. Aðgengileg salerni eru á Hafnartorgi, á móti rýminu. Fimm sérmerkt bílastæði fyrir hreyfihamlaða eru í bílastæðahúsinu í Reykjastræti. Einnig eru tvö stæði í Pósthússtræti.

Á yfirlitssýningu Sköpunarmiðstöðvarinnar verða sýnd verk eftir listafólk sem tengst hefur miðstöðinni og dvalið þar í vinnustofu en miðstöðin hlaut Eyrarrósina árið 2025. Sköpunarmiðstöðin var stofnuð árið 2011 og hefur þróast sem menningarmiðstöð og alþjóðleg vinnustofudvöl sem styður við listræna sköpun, miðlun og tilraunastarfsemi  á Austurlandi. 

Sýning þessi varpar ljósi á rúman áratug  af skapandi starfsemi miðstöðvarinnar sem einkennist  af fjölbreyttum listformum, vinnuaðferðum og list rænu samstarfi. 

Opnun: 1. júní kl. 17:00
Opnunartími: Daglega 12:00–17:00

Auðlesinn texti:

Sköpunar·miðstöðin heldur listasýningu.

Sýningin er í nýja húsi Landsbankans.

Þau hafa öll unnið að list í Sköpunar·miðstöðinni.

Sýningin sýnir 10 ára starf miðstöðvarinnar.

Sköpunar·miðstöðin er á Austurlandi.

Sköpunar·miðstöðin fékk Eyrarrósina árið 2025.

Eyrarrósin eru verðlaun sem Listahátíð í Reykjavík veitir.

Staðir úti á landi sem vinna að list.

Aðgengi að Listasafninu á Akureyri er almennt gott. uðvelt er að komast inn og um hús og lyftuaðgengi er á milli hæða. Tvö aðgengileg salerni eru í húsinu. Eitt sérmerkt bílastæði fyrir hreyfihamlaða er við aðalinngang hússins

Svissneski listamaðurinn Zimoun býr til hljóðinnsetningar og skúlptúra úr endurunnu efni sem fellur til í daglegu  lífi og iðnaði. 

Þessi magnþrungna, dáleiðandi innsetning hefur sterk tengsl við náttúruna en snertir þó einnig á samfélagslegri gagnrýni, vélrænum ferlum, valdakerfum heimsins og ört vaxandi vélmennavæðingu. 

Zimoun nýtir sér staðbundinn efnivið sem hann virkjar með handgerðum, vélrænum ferlum. Krafs, klór, bank  og titringur umbreytir sýningarsalnum í Listasafninu í lifandi og ómandi umhverfi. 

Zimoun hefur haldið fjölda sýninga og viðburða um  heim allan, m.a. í Kóreu, Bandaríkjunum, Frakklandi, Kína og Bretlandi, og hafa verk hans ávallt vakið verðskuldaða athygli.

Zimoun heldur sýningu á Listasafninu á Akureyri. 

Innsetning er listaverk úr mismunandi hlutum.

Zimoun gerir listaverk úr venjulegum hlutum.

Á Listasafninu á Akureyri er gott aðgengi.

Listahátíð í Reykjavík fer fram 30. maí - 14. júní 2026.

VALMYND

Hinum megin og Gallerí Kichin bjóða öll velkomin á finisage í Kling & Bang næstkomandi laugardag frá 17:00-20:00.
Halla Einarsdóttir flytur gjörning og „Contemporary Nail” býður gestum og gangandi upp á sérstakar lista-neglur svo endilega mætið með tóman striga.

Dagskrá
17:00 - Nagla-snyrtistofa „Contemporary Nail”.
18:00 - Halla Einarsdóttir fer með gjörning.

Gallerí Kichin var stofnað af þeim Skúla Thayer og Silju Rún Högnadóttir þegar þau hófu nám við Listaháskóla Íslands. Galleríið er helst þekkt fyrir sýningarröðina Skúlptúr vikunnar. Á Listahátíð í ár hafa þau haldið sex opnanir á sýningartímabilinu þar sem rjómi íslenskrar listakreðsu hefur sýnt listir sínar. 

Hinum Megin er brakandi nýtt sýningarstjóra- og hönnunarteymi stofnað af þeim Hugo Llanes, Janosch Bela Kratz og Katerina Spathi. Á sýningu þeirra birtist landsvæði og hverfur á ný, ekki aðeins sem áþreifanlegur staður, heldur sem fyrirbæri sem mótast af valdi, auðlindanýtingu, brottflutningi og sameiginlegu minni.

Listahátíð í Reykjavík 2026 er nú lokið. Um 60 viðburðir á 16 dögum og yfir 1200 flytjendur! Við erum þakklát starfsfólki, sjálfboðaliðum, samstarfsaðilum, hátíðargestum og öllu framúrskarandi listafólkinu sem gerðu þessa hátíð ógleymanlega. 

Takk fyrir að taka þátt þessari ævintýralegu veislu og sjáumst á Listahátíð 2028!

Takk fyrir komuna á Listahátíð í Reykjavík 2026

Laugardaginn 30. maí var Listahátíð í Reykjavík sett í 35. sinn við hátíðlega athöfn í Listasafni Reykjavíkur, Hafnarhúsi. Gestir fjölmenntu á opnunarhátíðina þar sem boðið var upp á tónlist, dans, myndlist og fjölbreytta dagskrárliði sem gáfu innsýn í það sem fram undan er á hátíðinni. Dagurinn einkenndist af gleði, eftirvæntingu og lifandi menningarlífi víðs vegar um miðborgina.

Fram undan eru 16 dagar af listviðburðum þar sem boðið verður upp á um 60 viðburði af öllu tagi. Að hátíðinni koma hátt í 1.300 listamenn frá Íslandi og erlendis sem skapa einstakt tækifæri til að upplifa fjölbreytta samtímalist, tónlist, sviðslistir og skapandi verkefni fyrir alla aldurshópa.

Einn af hápunktum dagsins var frumflutningur tónverksins Loftvægi eftir Samúel Jón Samúelsson á Hörputorgi þar sem fjórar skólahljómsveitir Reykjavíkur sameinuðust í kraftmiklum flutningi með hátt í 600 ungmennum. Gestir nutu einnig loftfimleika- og dansverksins The Air Between Us, sýninga í söfnum borgarinnar og fjölbreyttrar dagskrár sem markaði upphaf hátíðarinnar.

Dagurinn endaði svo með opnun Klúbbs Listahátíðar í Iðnó. Fyrir utan húsið hófst þátttökuverkið Brothætt, þar sem gestir eru hvattir til að umbreyta brotnum munum í sameiginlegt listaverk og stendur yfir alla hátíðina. Inni í Klúbbnum var síðan frumsýnt dansverkið Move With Pride eftir Rebeccu „Ondina“ Hidalgo í samstarfi við Íslenska dansflokkinn. Verkið, sem sameinar dans, tónlist og persónulegar frásagnir, var stórbrotið sjónarspil sem hreif áhorfendur með sér. Húsið var troðfullt og stemningin einstök þegar verkið setti tóninn fyrir líflegt opnunarkvöld og geggjaða dagskrá Klúbbsins á hátíðinni. Allir viðburðir Klúbbs Listahátíðar eru gjaldfrjálsir og opnir öllum.

Listahátíð í Reykjavík 2026 er hafin

Í Klúbbi Listahátíðar er boðið upp á fjölda spennandi viðburða á meðan á hátíð stendur og eru allir viðburðir ókeypis og öll velkomin

Listahátíð er vettvangur fyrir listsköpun í hæsta gæðaflokki frá öllum heimshornum en á líka í kröftugu og lifandi sambandi við almenning í landinu og leitast við að tendra áhuga sem flestra til að taka þátt og njóta lista á eigin forsendum. 

Listahátíð fagnar fjölbreytileika mannlífsins og setur aðgengi og virðingu fyrir umhverfinu í forgang. Við verkefnaval hefur hátíðin faglegan metnað, kjark, lífsgleði og stórhug að leiðarljósi. 

Takk fyrir komuna á Listahátíð í Reykjavík 2026!

Velkomin á Listahátíð í Reykjavík

Dagskrá

Ómur

Sköpunarmiðstöðin Yfirlitssýning

Zimoun

Klúbbur Listahátíðar

Festival Hub

Fréttir

Finisage í Kling & Bang

Takk fyrir komuna á Listahátíð í Reykjavík 2026

Listahátíð í Reykjavík 2026 er hafin

Skráðu þig á póstlista