Listahátíð í Reykjavík fer næst fram 1. - 16. júní 2024.

Hvers vegna erum við hætt að sjá sæskrímsli?
Hvernig líta sæskrímsli út? Myndum við þekkja þau ef við sæjum þau í dag?

Þjóðfræðingum, listafólki og líffræðingum verður stefnt saman á Skrímslasetrinu á Bíldudal laugardaginn 13. maí kl. 10-16 til þess að ræða þessar spuringar og fleiri sem tengjast sæskrímslum.

Fyrir hádegi verða nokkur erindi sérfræðinga um sæskrímsli, uppruna þeirra, eðli og útlit. Eftir léttan hádegisverð verður boðið upp á skemmtilegar vinnusmiðjur og hugarflug með þátttakendum þar sem spáð verður í sögur af sæskrímslum, útlit þeirra og hegðun. Brian Pilkington teiknari, sirkusfólk frá Hringleik, gervahönnuðir frá Pilkington Props og Hildur Knútsdóttir rithöfundur verða meðal þeirra sem leiða smiðjurnar.

Ráðstefnan er mikilvægur hluti af undirbúningi fyrir glænýja risastóra götuleiksýningu sem verður opnunarsýning Listahátíðar í Reykjavík 2024. Sirkushópurinn Hringleikur stendur að sýningunni í samstarfi við Listahátíð. Sýningin mun ferðast víða um land í júní á næsta ári.

Ráðstefnustjóri er dr. Dagrún Ósk Jónsdóttir.

Allt áhugafólk um sæskrímsli er hjartanlega velkomið og aðgangur er ókeypis!

Ráðstefnan er styrkt af Uppbyggingasjóði Vestfjarða, Vesturbyggð og Íslenska kalkþörungafélaginu.

Menningarstarf Alþýðuhússins á Siglufirði hlýtur Eyrarrósina 2023

Eyrarrósin, viðurkenning fyrir framúrskarandi menningarverkefni utan höfuðborgarsvæðisins, var afhent í átjánda sinn miðvikudaginn 3. maí, við hátíðlega athöfn á Hvammstanga. Frú Eliza Reid forsetafrú og verndari Eyrarrósarinnar veitti verðlaunin. 


Menningarstarf í Alþýðuhúsinu á Siglufirði hlýtur viðurkenninguna að þessu sinni. Aðalheiður Eysteinsdóttir, tók á móti viðurkenningunni og verðlaunafé að upphæð kr. 2.500.000. Eyrarrósarhafa verður jafnframt boðið að standa að viðburði á Listahátíð 2024 og að auki verður framleitt stutt og vandað heimildamyndband um verkefnið. 

Alls bárust 33 umsóknir um Eyrarrósina og hvatningarverðlaun Eyrarrósarinnar 2023 hvaðanæva að af landinu.

Hvatningarverðlaun Eyrarrósarinnar eru nú veitt í annað sinn og eru veitt þremur verkefnum sem hafa verið starfrækt í þrjú ár eða skemur. Viðurkenningin er veitt metnaðarfullum verkefnum sem þykja hafa listrænan slagkraft, jákvæð áhrif á nærsamfélagið og hafa alla burði til að festa sig í sessi. 

Hvatningarverðlaun Eyrarrósarinnar 2023 hlutu Alþjóðleg píanóhátíð á Vestfjörðum, Vesturbyggð, Hnoðri úr norðri, Akureyri og Raddir úr Rangárþingi, Hellu. Hljóta þau hvert um sig verðlaunafé að upphæð kr. 750.000 auk gjafakorts frá Icelandair að upphæð kr. 100.000.

Eyrarrósin er samstarfsverkefni Listahátíðar í Reykjavík, Byggðastofnunar og Icelandair. 

Eyrarrósin og hvatningarverðlaun Eyrarrósarinnar 2023

Eyrarrósin er viðurkenning veitt framúrskarandi menningarverkefni sem hefur fest sig í sessi utan höfuðborgarsvæðisins. Viðurkenningin er veitt annað hvert ár.

Eyrarrósarhafinn hlýtur 2,5 milljón króna peningaverðlaun, gert verður myndband um verkefnið og því gefinn kostur á því að standa að viðburði á aðaldagskrá Listahátíðar í Reykjavík 2024. 

Að auki verða veitt þrenn hvatningarverðlaun Eyrarrósarinnar til verkefna sem hafa verið starfrækt í þrjú ár eða minna. Hver hvatningarverðlaun eru 750 þúsund krónur. 

Allar nánari upplýsingar um fyrirkomulag Eyrarrósarinnar og umsóknareyðublað má finna HÉR
 
Öllum umsóknum verður svarað. 

Frá upphafi hafa Listahátíð í Reykjavík, Byggðastofnun og Icelandair (áður Flugfélag Íslands) staðið saman að viðurkenningunni. Verndari Eyrarrósarinnar er frú Eliza Reid forsetafrú.

Því miður neyðumst við til að tilkynna að tónleikum dásamlega listafólksins Loverboy og Zainab frá Sierra Leone sem ætluðu að koma fram með Stórsveit Samúels J. Samúelssonar í Gamla bíó hefur nú verið frestað til Listahátíðar 2024. Ástæðan eru vandkvæði í sambandi við vegabréfsáritun þeirra til landsins. Við munum hafa samband beint við alla miðakaupendur.

Tónleikum Loverboy, Zainab og Samma frestað til 2024

Tónleikum Loverboy, Zainab og Samma frestað til 2024

Nýjustu fréttir

Ráðstefna um sæskrímsli

Eyrarrósin 2023 afhent

Eyrarrósin 2023

Tónleikum Loverboy, Zainab og Samma frestað til 2024

Nýjustu fréttir

Ráðstef­na um sæskrím­sli

Eyrar­rósin 2023 afhent

Eyrar­rósin 2023

Ráðstefna um sæskrímsli

Eyrarrósin 2023 afhent

Eyrarrósin 2023