Listahátíð í Reykjavík fer næst fram 1. - 16. júní 2024.

Eyrarrósin og hvatningarverðlaun Eyrarrósarinnar 2023

Eyrarrósin er viðurkenning veitt framúrskarandi menningarverkefni sem hefur fest sig í sessi utan höfuðborgarsvæðisins. Viðurkenningin er veitt annað hvert ár.

Eyrarrósarhafinn hlýtur 2,5 milljón króna peningaverðlaun, gert verður myndband um verkefnið og því gefinn kostur á því að standa að viðburði á aðaldagskrá Listahátíðar í Reykjavík 2024. 

Að auki verða veitt þrenn hvatningarverðlaun Eyrarrósarinnar til verkefna sem hafa verið starfrækt í þrjú ár eða minna. Hver hvatningarverðlaun eru 750 þúsund krónur. 

Allar nánari upplýsingar um fyrirkomulag Eyrarrósarinnar og umsóknareyðublað má finna HÉR
 
Öllum umsóknum verður svarað. 

Frá upphafi hafa Listahátíð í Reykjavík, Byggðastofnun og Icelandair (áður Flugfélag Íslands) staðið saman að viðurkenningunni. Verndari Eyrarrósarinnar er frú Eliza Reid forsetafrú.

„HÉR“ - Kallað eftir verkefnum á Listahátíð í Reykjavík 2024

Kallað er eftir hugmyndum frá listafólki að verkefnum á dagskrá Listahátíðar í Reykjavík 2024. Dagsetningar hátíðarinnar eru 1.-16. júní.

Hvaða viðfangsefni og  og hvaða spurningar er brýnast að takast á við hér og nú? Hvað kemur í ljós ef fingurinn er settur á púls tíðarandans?

HÉR opnar á vangaveltur um tengsl manns og náttúru, við landið sem við búum í, en jafnframt spurningar um hvar við stöndum í sögunni og hvaða áhrif menningararfur og tungumál hafa á hugsun okkar og skynjun.

Öllu listafólki er frjálst að senda inn hugmyndir fyrir hátíðina og tekið er á móti hugmyndum á hvaða vinnslustigi sem er. Athugið þó að stærri og fjárfrekari verkefni þurfa að vera komin áleiðis með eigin fjármögnun til þess að koma til álita. 

Á Listahátíð er sérstök áhersla lögð á frumsköpun og verkefni þar sem ólíkar listgreinar skarast. Við leitum að viðburðum frá alls konar listafólki, sem höfða til fjölbreyttra áhorfendahópa. Viðburðir mega vera hugsaðir jafnt innan sem utan miðborgarinnar og höfuðborgarsvæðisins. Við leitum jafnframt að þátttökuverkefnum og verkefnum í almenningsrými sem teygja sig út fyrir hefðbundið umhverfi lista. 

Kjarni stefnu Listahátíðar er að listir og menning séu ekki forréttindi fárra heldur réttur allra. Hátíð sem endurspeglar fjölbreytileika mannlífsins er sterkari hátíð.

Tillögur skulu sendar inn með því að fylla út þetta rafræna eyðublað. 

Skilafrestur er til miðnættis 13. MARS 2023.

Ef spurningar vakna varðandi umsóknareyðublaðið eða ferlið, vinsamlegast sendið okkur línu á artfest@artfest.is.

Sirkushópurinn Hringleikur í samstarfi við Pilkington Props hlaut í vikunni hæsta styrk úr Sviðslistasjóði fyrir verkefnið SÆSKRÍMSLI sem verður opnunarverk Listahátíðar í Reykjavík 2024! 

Listahátíð óskar aðstandendum öllum hjartanlega til hamingju og við hlökkum svo sannarlega til samstarfsins, sem reyndar er hafið fyrir löngu síðan!  Langþráður draumur um alíslenskt götuleikhús af stærri gerðinni er að verða að veruleika! 

Nýtt götuleikhús verður að veruleika 2024

Takk fyrir frábærar móttökur!

Nýjustu fréttir

Eyrarrósin 2023

Kallað eftir verkefnum

Nýtt götuleikhús verður að veruleika 2024

Takk fyrir frábærar móttökur!

Nýjustu fréttir

Eyrar­rósin 2023

Kallað eftir verkefnum

Nýtt gö­tuleikhús verður að verulei­ka 2024

Eyrarrósin 2023

Nýtt götuleikhús verður að veruleika 2024