Listahátíð í Reykjavík fer næst fram 1. - 19. júní 2022.

Listahátíð í Reykjavík hefst í dag! Framundan er sannkallað veisluhlaðborð viðburða sem endurspeglar þann fjölbreytta og frábæra hóp listafólks sem fram kemur á hátíðinni næstu vikurnar. Við hefjum leika með hápólitísku gleðisprengjunni Taylor Mac á stóra sviði Þjóðleikhússins í kvöld og á morgun, magnaðar myndlistarsýningar opna bæði í borginni sem norðan heiða, litríkir tónar óma í Hörpu og Hallgrímskirkju, manngerða baðströndin í Hafnarhúsinu fyllist af syngjandi fólki og ekki má missa af rauðglóandi götuleikhúsi sem slær tóninn fyrir stemmninguna framundan. 

Því miður neyðumst við til að tilkynna að tónleikum dásamlega listafólksins Loverboy og Zainab frá Sierra Leone sem ætluðu að koma fram með Stórsveit Samúels J. Samúelssonar í Gamla bíó hefur nú verið frestað til Listahátíðar 2024. Ástæðan eru vandkvæði í sambandi við vegabréfsáritun þeirra til landsins. Við munum hafa samband beint við alla miðakaupendur.

Tónleikum Loverboy, Zainab og Samma frestað til 2024

Við kynnum með stolti dagskrá Listahátíðar í Reykjavík 2022 í heild sinni! 

Undanfarnar vikur og mánuði höfum við smám saman tilkynnt um viðburði á dagskrá hátíðarinnar í ár. Nú sviptum við hins vegar hulunni af heildardagskránni og vonum innilega að öll finni eitthvað við sitt hæfi á þessu glæsilega alþjóðlega hlaðborði menningarviðburða. 

Veglegt 100 blaðsíðna kynningarrit er komið í prentun, en fyrir þau sem ekki geta beðið eftir því að fletta því, má skoða það á rafrænu formi hér:

Á dagskrársíðu Listahátíðar má einnig nú sjá alla viðburði sem verða á Listahátíð 2022. 

Við vonum innilega að öll finni eitthvað við sitt hæfi á þessu glæsilega og mjög svo fjölbreytta hlaðborði menningarviðburða.

Ekki bóka bústað fyrri hluta júní!  -  Gleðilegt sumar!

Hulunni svipt af dagskrá Listahátíðar 2022

Innsetningin Sérstæða, sem var sérstaklega hönnuð í tilefni 50 ára afmælis Listahátíðar snýr aftur í Hörpu þann 26. ágúst. 

Innsetningin reis í Klúbbi Listahátíðar í IÐNÓ í byrjun sumars og stóð þar til 17. júní. Fjöldi fólks gerði sér ferð inn í þessa speglaveröld og vegna mikillar eftirspurnar hefur nú verið fundinn nýr staður fyrir þessa mögnuðu innsetningu.

Aðgangur verður áfram ókeypis og við hvetjum alla til að gera sér ferð í Sérstæðu.

Höfundar verksins eru þau Baldur Snorrason, Michael Godden, Katerina Blahutová og Kristian Ross.

Sérstæða snýr aftur

Nýjustu fréttir

Gleðilega Listahátíð!

Tónleikum Loverboy, Zainab og Samma frestað til 2024

Hulunni svipt af dagskrá Listahátíðar 2022

Sérstæða snýr aftur

Nýjustu fréttir

Gleði­lega Lista­há­tíð!

Tón­leik­um Lover­boy, Za­inab og Samma frestað til 2024

Hul­unni svipt af dag­skrá Lista­há­tíð­ar 2022

Gleðilega Listahátíð!

Tónleikum Loverboy, Zainab og Samma frestað til 2024

Hulunni svipt af dagskrá Listahátíðar 2022