Listahátíð í Reykjavík fer fram 30. maí - 14. júní 2026.

VALMYND

Listahátíð í Reykjavík leitar að hugmyndaríku og metnaðarfullu starfsfólki sem hefur áhuga að að vinna með okkur að næstu hátíð sem fer fram 30. maí - 14. júní 2026. 

Við auglýsum nú tvær stöður lausar, stöðu kynningar- og markaðsstjóra og stöðu verkefnastjóra viðburða og hvetjum við öll áhugasöm til að sækja um. 

Lesa má nánar um stöðurnar á Alfred.is hér: https://alfred.is/vinnustadir/listahatid-i-reykjavik

Miðasala á tónleika Sinfóníuhljómsveitar Íslands á áttundu sinfóníu Mahlers er hafin.  

Tónleikarnir verða einn af hápunktum opnunarhelgar Listahátíðar í Reykjavík enda hefur þetta stórvirki tónlistarsögunnar aldrei áður verið flutt hér á landi.

Á sviðinu verða á fjórða hundrað flytjenda; óvenjustór hljómsveit, átta einsöngvarar, kór og barnakór. Verkið er fagnaðaróður til kærleika og mennsku og geislar af bjartsýni og samstöðu.

Hljómsveitarstjóri er Eva Ollikainen, aðalhljómsveitastjóri Sinfóníuhljómsveitar Íslands, og fara tónleikarnir fram föstudaginn 29. maí kl. 19:30 og laugardaginn 30. maí kl. 17:00 í Eldborgarsal Hörpu. 

Listahátíð í Reykjavík tilkynnir með stolti að Hildur Guðnadóttir verður hátíðarlistamaður næstu hátíðar. Frá 4. - 7. júní 2026 verður ferill þessarar mögnuðu listakonu fagnað með þremur einstökum viðburðum með tónlist Hildar í fyrirrúmi. 

Fimmtudaginn 4. júní kl 19:30 leiðir Hildur dagskrá í Eldborg á tónleikum Sinfóníuhljómsveitar Íslands þar sem hún segir frá eigin verkum og áhrifavöldum sínum. Flutt verður tónlist Hildar úr kvikmyndunum Joer, Tár og Haunting in Venice auk verka eftir tónskáldr u á borð við Arvo Pärt, Ryuichi Sakamoto og Kaja Saariaho. Tónleikarnir eru samstarf Sinfóníuhljómsveitar Íslands og Listahátíðar og hljómsveitarstjóri er Daníel Bjarnason. Miðasala hefst 11. júní. 

Laugardaginn 6. júní kl. 20:00 fara fram tónleikar í Silfurbergi í Hörpu þar sem Hildur ásamt hljómsveit flytur í fyrsta sinn á Íslandi verkið Where to From ásamt eldra efni. Where to From er pantað af Listahátíð í Reykjavík, Barbican Centre, Vienna Konzerthaus og Holland Festival. Auk Hildar, sem syngur og leikur á selló, koma fram Liam Bryne sem leikur á víólu da gamba, söngkonurnar Jessika Kenney og Else Torp, víóluleikarinn Eyvind Kang og sellóleikarinn Claire O’Connell. Um ljósahönnun sér Theresa Baumgartner og hljóðhönnun er í höndum Francesco Donadello. 

„Ég er nánast með stöðugan straum af tónlist í höfðinu. Stundum tek ég strauminn upp og er hann þá eins konar skjáskot af tilfinningum mínum á þeim tímapunkti. Where to From er hljóðdagbókin mín. Ég hlakka til að opna hana fyrir áheyrendum í Hörpu ásamt góðum vinum”. 

Sunnudaginn 7. júní kl. 17:00 horfum við til fortíðar, nútíðar og framtíðar og rýnum tengslin þar á milli í samstarfi við Hallgrímskirkju á tónleikum þar sem flutt verða verk eftir Hildi og Jón Nordal. Meðal flytjenda eru Kór Hallgrímskirkju undir stjórn Steinars Loga Helgasonar, Björn Steinar Sólbergsson og Álfheiður Erla Guðmundsdóttir.

“Þakklæti er mér efst í huga þegar kemur að því að vera hátíðarlistamaður Listahátíðar í Reykjavík. Það er mikill heiður að koma heim og deila með landsmönnum brot af því sem ég hef verið að fást við á undanförnum áratugum. Ég hlakka til samstarfsins við Sinfóníuhljómsveit Ísland og Kór Hallgrímskirkju og að flytja glænýja tónlist með góðum vinum sem ég mun ferðast með og flytja víðsvegar um heiminn á næstu árum.” sagði Hildur. 

Miðasala á Where to From tónleikana Hallgrímskirkju hefst í haust 

Hildur Guðnadóttir er hátíðarlistamaður Listahátíðar 2026

Laus störf hjá Listahátíð

Aðrar fréttir

Laus störf hjá Listahátíð

Miðasala hafin á Mahler 8

Hildur Guðnadóttir er hátíðarlistamaður Listahátíðar 2026