Listamannaspjall: Himna
Fróðlegt listamannaspjall með þeim Peder Bjurman og Lindu Boļšakova sem ræða verk sín á sýningunni Himnu í Norræna húsinu. Á sýningunni rannsakar listafólk jarðveg sem vettvang endurnýjunar, rotnunar, minninga og ímyndunarafls. Sýningarstjóri er Thomas Pausz sem einnig stýrir spjallinu.
Peder Bjurman er listamaður, rithöfundur og leikstjóri. Með því að sameina myndmál og tónlist við ljóðræna eða lýsandi texta skapa gjörningar hans og þátttökuverk blöndu af harmrænum, ljóðrænum og kómískum tónum. Hann leggur jafna áherslu á ljós, hljóð, leikmynd og frammistöðu leikara og nýtir gjarnan nýjustu framfarir í sviðstækni við uppsetningu verka sinna. Verk hans eru oft unnin og þróuð í nánu samstarfi við leikhópa eða aðra listamenn, tónskáld, hönnuði og fyrirtæki í sviðstækni.
Linda Boļšakova er listakona sem kannar tengsli manneskjunnar við umhverfið og teflir saman líkamsverund okkar og efnislegar tilveru plantna. Í verkum sínum ræktar hún tilfinninguna fyrir að tilheyra vistkerfi og því samfélagi lífvera sem deila þessari jörðu.
Aðgengi
Rampur liggur að útidyrahurð. Hurð opnast ekki sjálfkrafa. Um 5 cm. þröskuldur er inn í hús með hallandi lista þegar farið er inn í hús. Engin listi er við þröskuld út úr húsi. Auðvelt er að komast um innanhúss, lyftuaðgengi er á milli 1. og 2. hæðar og listar eru við alla þröskulda sem opnir eru almenning. Aðgengilegt salerni er á 1. hæð en það er þó í minna lagi. Eitt sérmerkt bílastæði fyrir hreyfihamlaða er í Tjarnargötu við Tjarnarskóla.
Sérstakt næðisrými er á 2. hæð.
Þessi viðburður verður textaður. Á staðnum verður QR kóði sem gesti geta skannað og leiðir þá að heimasíðu með lifandi textun.
Öll salerni eru kynlaus.