Listahátíð í Reykjavík fer fram 30. maí - 14. júní 2026.

VALMYND

Þura Stína og Andrea ráðnar til Listahátíðar!

Listahátíð í Reykjavík auglýsti í sumar eftir kynningar- og markaðsstjóra og verkefnastjóra viðburða og barst mikill fjöldi umsókna.

Ákveðið hefur verið að ráða Þuru Stínu Kristleifsdóttur í stöðu kynningar- og markaðsstjóra og Andreu Vilhjálmsdóttur í stöðu verkefnastjóra viðburða. Báðar munu þær hefja störf nú í haust og vinna í samstarfi við listrænan stjórnanda og framkvæmdastjóra að undirbúningi næstu hátíðar sem fram fer dagana 30. maí – 14. júní 2026.

Þura Stína lauk BA gráðu í grafískri hönnun frá Listaháskóla Íslands árið 2016 og mastersgráðu í í listrænni stjórnun og markaðssamskiptum frá NABA í Mílanó árið 2023. Hún starfaði hjá Nova á árunum 2023-2025 sem upplifunarhönnuður og grafískur hönnuður og hefur frá árinu 2022 verið framleiðandi og verkefnastjóri fyrir alþjóðlegu hönnunarráðstefnuna DesignTalks. Þura Stína hefur einnig verið sjálfstætt starfandi framleiðandi og leikstýrt fjölda auglýsinga, þátta og tónlistarmyndbanda og komið að hönnun, mörkun og markaðssetningu ólíkra verkefna. 

Andrea lauk BA prófi í þjóðfræði frá Háskóla Íslands árið 2014 og BA prófi á sviðshöfundabraut frá Listaháskóla Íslands árið 2016. Hún er stofnandi og listrænn stjórnandi Plöntutíðar og hefur verið hluti af leikhópnum Trigger Warning frá árinu 2016. Hún hefur unnið sem dramatúrg bæði í Borgarleikhúsinu og Þjóðleikhúsinu og leikstýrt sýningum á borð við Stroke, Eyja og Síldarstúlkur. Andrea hefur verkefnastýrt fjölda verkefna fyrir aðila á borð við Listaháskóla Íslands, RIFF, Lókal og Reykjavík Dance Festival.

Listahátíð býður Þuru Stínu og Andreu velkomnar til starfa.

Listahátíð í Reykjavík leitar að hugmyndaríku og metnaðarfullu starfsfólki sem hefur áhuga að að vinna með okkur að næstu hátíð sem fer fram 30. maí - 14. júní 2026. 

Við auglýsum nú tvær stöður lausar, stöðu kynningar- og markaðsstjóra og stöðu verkefnastjóra viðburða og hvetjum við öll áhugasöm til að sækja um. 

Lesa má nánar um stöðurnar á Alfred.is hér: https://alfred.is/vinnustadir/listahatid-i-reykjavik

Miðasala á tónleika Sinfóníuhljómsveitar Íslands á áttundu sinfóníu Mahlers er hafin.  

Tónleikarnir verða einn af hápunktum opnunarhelgar Listahátíðar í Reykjavík enda hefur þetta stórvirki tónlistarsögunnar aldrei áður verið flutt hér á landi.

Á sviðinu verða á fjórða hundrað flytjenda; óvenjustór hljómsveit, átta einsöngvarar, kór og barnakór. Verkið er fagnaðaróður til kærleika og mennsku og geislar af bjartsýni og samstöðu.

Hljómsveitarstjóri er Eva Ollikainen, aðalhljómsveitastjóri Sinfóníuhljómsveitar Íslands, og fara tónleikarnir fram föstudaginn 29. maí kl. 19:30 og laugardaginn 30. maí kl. 17:00 í Eldborgarsal Hörpu. 

Platform Gátt í Open Art Gallery

Aðrar fréttir

Nýtt starfsfólk hjá Listahátíð

Laus störf hjá Listahátíð

Miðasala hafin á Mahler 8