Listahátíð í Reykjavík fer fram 1. - 16. júní 2024.

VALMYND

Ynda Gestsson.mp3

„Barnlaus hjón sem vilja taka barn til eignar eða uppfósturs, geta fengið efnilegan dreng, 3½ árs, nú þegar. Upplýsingar á afgreiðslu Morgunblaðsins.

Barnlaus hjón, sem vildu ala upp stúlkubarn, sem sitt eigið, geta nú þegar fengið efnilega og laglega telpu tæpra tveggja ára. Afgreiðslan vísar á.

Barnlaus hjón óska að fá gefins stúlkubarn 4-5 ára gamalt, helst alveg munaðarlaust. Tilboð merkt Munaðarlaust barn, sendist Morgunblaðinu innan 3 daga.

Einhleypur maður óskar eftir að fá 6 ára gamlan munaðarlausan dreng, gefins til, uppfósturs. Umsóknir sendist til afgreiðslunnar í lokuðu bréfi merkt munaðarlaus."

Frumheimild

Lesandi

Einhleypur maður óskar eftir að fá 6 ára gamlan munaðarlausan dreng

gudni-th-johannesson.mp3

„Leikur Vals og Reykjavíkur hófst stundvíslega klukkan 9 á föstudagskvöldið. Dómari sem fyrr Egill Jacobsen. Vestangola var á og sólskin. Valur átti í fyrstu undan vindi og sól að sækja, en Reykjavíkur hafði þó fullt eins mikla sókn, þó var það Valur sem fyrsta markið setti. Annars er það ófyrirgefanlegt að Reykjavír að setja bæklaðan mann í markið. Enginn þorir að hlaupa almennilega á hann vegna þess, að þeir geta eyðilagt manninn fyrir lífs tíð: auk þess er það ókurteisi í garð Vals að hafa svona mann í markinu. Ekki tala ég um það hvað áhorfendurnir voru á nálum í hvert sinn er markvörðurinn féll – og hann féll oftast nær, þegar hann kom nálægt knettinum – um að hann mundi skilja fótinn eftir á vellinum.

Áfram hélt leikurinn og komst nú mark Vals nokkrum sinnum í töluverða hættu, en ekkert mark varð samt. Var það að þakka vörn markvarðar og heppni.

Annar hálfleikur: Var sóknin mikið meiri Reykjavíkur megin. Fengu þeir hvert upphlaupið eftir annað og fóru oft fram hjá bakvörðunum eins og þeir væru loft. Að lokum fór það svo, að Benedikt. G. Waage setti í mark. Hertu Reykjavíkurmenn sig nú um allan helming og það sama gerðu Valsmenn. Var nú leikurinn kappsamur mjög og barst hingað og þangað um völlinn. Kom Gunnar Schram knettinum hvað eftir annað upp og sendi hann inn á miðju, en lengi vel var samt varið þar til Karli Schram tókst að skalla knöttinn inn. Varð það mjög fallegt mark. Nú kom hvert marksparkið á fætur öðru, en markvörður tók öll, endaði svo hálfleikurinn með sigri Reykjavíkur ...

Línuverðirnir virtust ekki vera góðir og leitt fyrir dómarann, að þurfa að vera að ávíta línuverðina fyrir slælega frammistöðu í stað þess að fá aðstoð frá þeirra hendi. Bestir leikmenn hjá Reykjavíkur voru Gunnar Schram, Karl Schram ... Hjá Val get ég ekki nefnt neinn sérstaklega, nema Stefán. Flestir framherjarnir leika mjög liðlega, en það verður ekkert úr þeim, þegar að markinu kemur. Bakverðirnir ekki góðir. Þeir ættu að fara í skóla til bakvarðanna í Fram. Dómarinn dágóður, en sá ekki nærri allt, sem hann átti að sjá."

Erna Sóley Ásgrímsdóttir.mp3

Ég þakka þér kærlega fyrir bréfin þín bæði. Nú ætla ég að segja þér það að mér þótti svo feykilega gaman hjá honum Steindóri, sérstaklega að hringleiknum þegar hann Mansi og Helgi settu á sig skotthúfurnar og svo var náttúrulega feykilega gaman að því öllu. Ég óskaði að þú hefðir verið því það var svo mikið grín. Við fórum í leikinn að spá með tíeyring og ég hneigði mig svo skart að ég varð eftir mig í höfðinu. Ég dansaði svo feykilega mikið og það var svo gaman, að ég get ekki líst því. Nú er svo langt síðan ég hef komið til Ástu og Dúnu að ég má til að fara að koma til þeirra, því mig langar svo mikið til þess. Ef þú vissir hvað mig langar til að koma uppeftir til þín og ég veit að þú getur ímyndað þér það. Ég hef næstum því legið í dag af því ég er svo tæp. Nú get ég ekki skrifað meira á þetta. Ég bið feykilega vel að heilsa öllum, mamma líka.

Viðtakandi

Helga Ferdinandsdóttir.mp3

„Það þarf hreint ekki að útmála alla þá gagnsemi sem nætursími getur haft í för með sér, eða allt það tjón sem af því gæti hlotist, að geta ekki náð símasambandi á hvaða tíma sólahringsins sem er. Allir sjá að það getur verið miklu fljótlegra að fara í síma ef eldsvoða ber að höndum, heldur en að leita uppi brunaboða í myrkri og finna hann ef til vill ekki.

Að sumir talsímahafar kunni að vera því mótfallnir, að geta átt von á hringingu að næturlagi, það kann að vera. En þeim er þá í lófa lagið að stinga blaði meðfram hringjaranum í símatækinu á kvöldin, ef þeir eru svo taugaveiklaðir."

Gagnsemi sem nætursími getur haft í för með sér

Einhleypur maður óskar eftir að fá 6 ára gamlan munaðarlausan dreng

Aðrir útvarpsþættir

Setja bæklaðan mann í markið

Það var svo mikið grín

Gagnsemi sem nætursími getur haft í för með sér