Listahátíð

Reykjavík Arts Festival

Sigríður Soffía og Þórarinn Guðnason á Listahátíð 2011. Mynd: Morgunblaðið

26/1/12 : RÚV SÝNIR ÞÁTTARÖÐ UM SAMVINNU TÓNSKÁLDA OG DANSHÖFUNDA Á LISTAHÁTÍÐ

TÓNSPOR er heitið á nýrri þáttaröð í umsjón Jónasar Sen, sem hefur göngu sína í Sjónvarpinu í kvöld. Þættirnir eru sex og er hver þáttur helgaður einu pari af tónskáldi og danshöfundi, sem unnu tón- og dansverk sem frumflutt voru á Listahátíð í Reykjavík í fyrra. Í þáttunum er fylgst með því hvernig verkin urðu til, frá fyrstu hugmynd til frumsýningar. Í fyrsta þætti koma fram Sigríður Soffía Níelsdóttir danshöfundur og Þórarinn Guðnason tónskáld. Í þættinum er einnig fjallað um muninn á ballett og nútímadansi, áhrifamátt danssýninga í sjónvarpi og í tónlistarmyndböndum, á Lækjartorgi og í dansmyndum. Vindur kemur við sögu í verki þeirra Bergmáli, sem frumflutt var í Tjarnarbíói á Listahátíð og sýnt er í lok þáttarins.
Dagskrárgerð er í höndum Jóns Egils Bergþórssonar.
Þættirnir eru samstarfsverkefni RÚV og Listahátíðar í Reykjavík.

Lesa meira

Samkeppni um hönnun veggspjalds Listahátíðar 2012

9/1/12 : OPIN SAMKEPPNI UM VEGGSPJALD LISTAHÁTÍÐAR

Listahátíð , í samvinnu við Hönnunarmiðstöð, efnir til opinnar samkeppni meðal hönnuða og myndlistarmanna um veggspjald Listahátíðar í Reykjavík 2012. Þátttakendur hafa frjálsar hendur um útfærslu en hugmyndin er að hún veki tilfinningu fólks fyrir Listahátíð í Reykjavík sem haldin er árlega á vorin.

Úrslit samkeppninnar verða tilkynnt í upptakti að Hönnunarmars, þann 20. mars 2012 og opnuð sýning á völdum tillögum við það tækifæri. Höfundur verðlaunatillögu hlýtur verðlaun að upphæð 500.000 krónur.

Nánari upplýsingar og samkeppnislýsing

Tillögum skal skilað undir dulnefni í Hönnunarmiðstöð Íslands fyrir kl. 12.00 fimmtudaginn 23. febrúar 2012.

Opin samkeppni um hönnun veggspjalds er nýbreytni hjá Listahátíð, en í yfir fjörutíu ára sögu hennar hefur fjöldi hönnuða og myndlistarmanna verið valinn til að hanna veggspjöld sem fangað hafa tíðarandann og sett svip sinn á borgina á vorin. Hafa þau verið með ýmsu móti og ýmist tengst viðburðum, listamönnum og verkum Listahátíðar eða verið sjálfstæð hönnun.

Lesa meira

8/1/12 : VOLODOS KEMUR Á LISTAHÁTÍÐ Í VOR - MIÐASALA HAFIN

Miðasalan á einleikstónleika rússneska píanóleikarans Arcadi Volodos sem fram fara
í Hörpu, Eldborg, sunnudaginn 20. maí 2012, rýkur af stað.

SMELLTU HÉR TIL AÐ KAUPA MIÐA
Arcadi Volodos er talinn einstakur meðal píanóleikara og þykja tækni hans og tjáning óviðjafnanleg. Hann sver sig í ætt við gömlu meistarana hvað varðar frelsi í leik og tónmyndun. Að margra mati virðist tækni hans engin takmörk sett og hann á jafn auðvelt með að spila á tilfinningastrengi með undursamlegum einfaldleika og næmni og að framkalla stórkostlegar flugeldasýningar.

Lesa meira