Skapandi hreyfismiðja
Skapandi hreyfismiðja með hinum margrómuðu höfundum og flytjendum The Air Between Us sem sýnt verður á Hörputorgi 30.- 31. maí.
Í þessari gáskafullu smiðju þar sem listsköpun fatlaðs fólks og inngilding eru í fyrirrúmi fáið þið að vinna með ykkar eigin einstöku hreyfingar og sköpunargleði, um leið og þið öðlist innsýn í sköpunarferli listafólksins.
Engrar reynslu er krafist - það nægir að mæta í þægilegum fötum sem þið getið hreyft ykkur í.
Smiðjan hentar vel fólki sem starfar með fötluðum sem og fötluðu og ófötluðu áhugafólki um hreyfingu.
Skráning á: klubbur@artfest.is (14+)
Sjá heimasíðu Chloe Loftus Dance hér
Aðgengi
Rampur liggur að útidyrahurð. Hurð opnast ekki sjálfkrafa. Um 5 cm. þröskuldur er inn í hús með hallandi lista þegar farið er inn í hús. Engin listi er við þröskuld út úr húsi. Auðvelt er að komast um innanhúss, lyftuaðgengi er á milli 1. og 2. hæðar og listar eru við alla þröskulda sem opnir eru almenning. Aðgengilegt salerni er á 1. hæð en það er þó í minna lagi. Eitt sérmerkt bílastæði fyrir hreyfihamlaða er í Tjarnargötu við Tjarnarskóla.
Sérstakt næðisrými er á 2. hæð.
Öll salerni eru kynlaus.