Hinum Megin & Gallerí Kichin

Hinum Megin og Gallerí Kichin taka yfir sali Kling & Bang og bjóða upp á spennandi úrval viðburða og sýninga. Hinum Megin er brakandi nýtt sýningarstjóra­ og hönnunar teymi stofnað af þeim Hugo Llanes, Janosch Bela Kratz og Katerína Spathí.

Á sýningu þeirra birtist landsvæði og hverfur á ný, ekki aðeins sem áþreifanlegur staður, heldur sem fyrirbæri sem mótast af valdi, auð­lindanýtingu, brottflutningi og sameiginlegu minni. Gallerí Kichin var stofnað af þeim Skúla Thayer og Silju Rún Högnadóttir þegar þau hófu nám við Listaháskóla Íslands.

Galleríið er helst þekkt fyrir sýningarröðina Skúlptúr vikunnar. Í tilefni Listahátíðar halda þau sex opnanir á sýningartímabilinu þar sem rjómi íslenskrar listakreðsu mun sýna listir sínar.