Batamatur: Codapent - gnocchismiðja

Codapent er listrannsókn þar sem lyfleysa er iðkuð í skapandi rými og leitast við að finna lækningu við meðvirkni. Hrefna Lind Lárusdóttir sviðshöfundur fer fyrir verkefninu sem fer fram á mörkum sviðslista, myndlistar, hönnunar og tónlistar. Batamatur er samstarf við Hugin Þór Arason myndlistarmann, sem hefur einnig komið að þróun matarupplifana með fjölbreyttum hætti gegnum árin, og Guðnýju Hrund Sigurðardóttur leikmynda- og búningahönnuð. Saman hafa Huginn og Hrefna síðan árið 2019 unnið að samruna performanslistar og matargerðar í gegnum kennslu, vinnustofur og gjörninga. Guðný hefur unnið að listrannsókn Codapent frá árinu 2023. Aðrir þátttakendur í verkefninu eru Pétur Eggertsson, Daníel Karl Björnsson, Þóranna Björnsdóttir og í kórnum eru Thelma Marín Jónsdóttir, Lára Jóhanna Jónsdóttir, María Arnardóttir, Rebecca Scott Lord & Hrafnhildur Einarsdóttir. Anna María Tómasdóttir veitti listræna ráðgjöf.