Batamatur: Codapent - gnocchismiðja

Þátttakendur búa til kartöflugnocchi frá grunni og snæða undir hug- og handleiðslu listamannanna. Verkið fer fram á mörkum matreiðslu og sjálfshjálparnámskeiðs. Hver og einn þátttakandi velur sínar kartöflur af kostgæfni og skapar gnocchi með eigin nefi og hjarta. Fólk er leitt inn á við, í gegnum hug og hönd, og boðið að tengjast ákveðnum parti af sjálfu sér til að framkalla og móta í form úr deiginu sínu. Gnocchi-formin eru loks elduð og snædd. Þetta er líkamleg og andleg athöfn. Augnablik í stóra samhenginu. Augnablik til að innbyrða. Hverfult. Það sem vill gerast fær að gerast. Það sem þú finnur fær að finnast. Og finna sitt form.