Sýn listræns stjórnanda

Listahátíð er hátíð allra landsmanna og þrátt fyrir að hún fari að stórum hluta fram í höfuðborginni okkar, leggjum við okkur eftir því að miðla viðburðum með útvarps- og sjónvarpsútsendingum, bjóða upp á viðburði í landsbyggðunum í samstarfi við menningarstofnanir og listafólk víða um land. 

Listahátíð stuðlar að samstarfi ólíkra listgreina, stofnanna, sjálfstætt starfandi listafólks og ýtir undir framúrskarandi listsköpun. 

Listahátíð fær okkur til að staldra við, endurspegla viðhorf okkar í framsæknum viðburðum, jafnt innlendum sem erlendum. Hátíðin kynnir okkur fyrir ólíkum menningarheimum og sýnir okkur hluti í nýju ljósi. Hátíðin veitir okkur tækifæri til að upplifa í gegnum okkar einstöku linsu, hvert á sinn hátt og vekja skilningarvitin.

Listahátíð fagnar fjölbreytileika og setur aðgengi og virðingu fyrir umhverfinu í forgang.