Listahátíð í Reykjavík fer fram 30. maí - 14. júní 2026.

VALMYND

Teymi Listahátíðar er nú fullmannað en í hópinn hafa bæst Aude Busson og Valgerður Rúnarsdóttir. Þær eru báðar reynslumiklir verkefnastjórar með bakgrunn í sviðslistum, barnamenningu, dansi, aðgengismálum og ótal mörgu öðru. Við bjóðum þær velkomnar til starfa og hlökkum til að halda hátíð með þeim eftir aðeins 23 daga!

Langar þig að upplifa Listahátíð í Reykjavík bakvið tjöldin? Hefurðu áhuga á að auka reynslu þínni á viðburðastjórn, kynnast nýju fólki og baða þig í list í nokkra daga?

Okkur vantar sprækt og áreiðanlegt fólk til að aðstoða okkur við allt mögulegt á hátíðinni 30. maí - 14. júní næstkomandi. 

Listahátíð í Reykjavík vinnur eftir aðgengisstefnu og leitast við að endurspegla fjölbreytileika mannlífsins, hvort sem er um að ræða listafólk, starfsfólk eða sjálfboðaliða.

Smelltu hér til að fylla út eyðublað og sækja um að vera sjálfboðaliði á Listahátíð í Reykjavík 2026.

Listahátíð leitar að vöskum sjálfboðaliðum 

Brim og Listahátíð í Reykjavík hafa skrifað undir samning þess efnis að Brim verði bakhjarl Listahátíðar til ársins 2028.

Guðmundur Kristjánsson, forstjóri Brims, og Lára Sóley Jóhannsdóttir, listrænn stjórnandi Listahátíðar, skrifuðu undir samkomulagið fyrr í dag.

„Það er mikið fagnaðarefni að Brim verði bakhjarl Listahátíðar. Samstarfið veitir hátíðinni mikilvægt svigrúm þegar kemur að dagskrárgerð og framboði viðburða án endurgjalds. Á Listahátíð í ár koma fram hátt í 1300 flytjendur á öllum aldri, víða að úr heiminum, úr öllum hverfum borgarinnar og landshlutum. Það er afar dýrmætt að finna fyrir áhuga og vilja Brims til þess að vera virkur þátttakandi í að efla Listahátíð og þau áhrif sem hátíðin hefur,“ segir Lára Sóley.

„Við í Brimi viljum vera virkir og öflugir þátttakendur í samfélaginu. Það gerum við með því sinna vel okkar störfum, skapa verðmæti og auka þannig framlag okkar. Við kjósum einnig að styðja margt þess utan sem horfir til framfara. Listahátíð í Reykjavík gefur okkar listafólki tækifæri til að spreyta sig á meðal þeirra bestu og almenningur hér heima nær að skynja ferska vinda í heimi lista. Við í Brimi trúum því að þannig verði framfarir og þannig eflist okkar samfélag. Við róum öll í sömu átt,“ segir Guðmundur Kristjánsson.

Listahátíð í Reykjavík 2026 fer fram dagana 30. maí til 14. júní. Viðburðir verða víða í borginni og á ýmsum stöðum í landsbyggðunum. Heildardagskrá hátíðarinnar verður kynnt næstkomandi föstudag, 27. mars. Meðal þess sem má finna á dagskrá hátíðarinnar er fjórir viðburðir tengdir Hildi Guðnadóttur sem jafnframt er hátíðarlistamaður, áttunda sinfónía Mahlers í flutningi Sinfóníuhljómsveitar Íslands, sýning úkraínska listahópsins Open Group í Nýlistasafninu, leiksýning rúönsku kvennatrommusveitarinnar Ingoma Nshya og stórtónleikar John Grant í Hörpu.

Brim verður bakhjarl Listahátíðar í Reykjavík

Teymi Listahátíðar 2026 fullmannað

Aðrar fréttir

Teymi Listahátíðar 2026 fullmannað

Listahátíð leitar að vöskum sjálfboðaliðum

Brim verður bakhjarl Listahátíðar í Reykjavík