Nýjar samþykktir og nýtt skipurit tók gildi l. október s.l. og samkvæmt nýjum samþykktum ræður stjórn framkvæmdastjóra í samráði við listrænan stjórnanda.

Framkvæmdastjóri sér um daglegan rekstur og stjórn fjármála Listhátíðar í umboði stjórnar og stjórnanda, vinnur að fjáröflun og undirbýr gerð fjárhagsáætlunar í samvinnu við listrænan stjórnanda og annast reikningsskil.

Næsta Listahátíð verður haldin 2002 en samkvæmt nýju samþykktunum er Listahátíð einnig  heimilt að hafa samstarf  við aðra aðila um listviðburði á milli hátíða. 

Nánari upplýsingar um Listahátíð í Reykjavík er að finna á vef Listahátíðar; www.listahatid.is.

Upplýsingar um starfið veitir nýr listrænn stjórnandi, Þórunn Sigurðardóttir. Áskilinn er réttur til að hafna öllum umsækjendum og ráða framkvæmdastjóra eftir öðrum leiðum.

Umsóknir skulu sendar í pósthólf 88, 121 Reykjavík, merktar stjórn Listahátíðar í Reykjavík.

Umsóknarfrestur er til 1. desember. Öllum umsóknum verður svarað.