Leiðsögn á táknmáli um Karin Sander 1957-2057 og Ilmheim Listahátíðar

Sunnudaginn 14. júní kl. 14:00 verður leiðsögn á táknmáli um sýninguna Karin Sander 1957-2057 í Hafnarhúsi Listasafns Reykjavíkur. Í kjölfarið verður farið á Ilhiem Listahátíðar eftir Fischersunds í Gróðurhúsinu á Lækartorgi. Bryn Nóel Francis, táknmálsfræðingur og listfræðingur, verður með leiðsögnina. Aðgangur er ókeypis.

Karin Sander 1957-2057 er yfirgripsmikil sýning á verkum þýsku listakonunnar Karin Sander, sem hefur ræktað tengsl við Ísland allt frá fyrstu heimsókn fyrir þrjátíu árum.

Mörg verka listakonunnar eru innblásin af náttúru landsins, menningu og samfélagi. Á sýningunni er fjallað um staðarvitund í landfræðilegum, líkamlegum og huglægum skilningi. Sýningargestum er boðið að láta skanna sig og prenta af sér smástyttu og auðir strigar á víðavangi safna áferð um mismunandi aðstæður.

Í tilefni Listahátíðar í Reykjavík hefur Fischersund hannað ilm hátíðarinnar, innblásinn af ósýnilegu lífi borgarinnar. Fischersund tekur yfir Gróðurhúsið á Lækjartorgi með ævintýralegri ilmandi innsetningu. Þar býðst gestum að anda að sér ósýnlegum heimi borgarinnar.