Brothætt: Ritual I - Heilunin
Þátttökuverk um fegurðina í ófullkomleikanum
Í Heiluninni er grunngjörðin að sleppa tökum á því sem er brotið, rofið eða virkar ekki lengur. Brotið leirtau öðlast merkingu í nýju samhengi, þar sem þau sameinast og mynda stærri heild í mósaíkmynd sem verður til með þátttöku gesta. Samhliða mósaíkverkinu verður til hljóðverk byggt á nafnlausum frásögnum um það brotna í lífinu.
Í gangi alla hátíðina
Listamannalaun, Dansverkstæðið & Fagurferðum
Aðgengi
Sýningin fer fram á pallinum við Iðnó. Rampar eru á báðum hliðum við pallinn en einnig er aðgengi út á pall í gegnum salinn í Iðnó. Lágur þröskuldur er við útidyrahurð.
Rampur liggur að útidyrahurð inn um aðalinngang. Útidyrahurð við aðalinngang opnast ekki sjálfkrafa. Um 5 cm. þröskuldur er inn í hús með hallandi lista þegar farið er inn í hús. Engin listi er við þröskuld út úr húsi. Auðvelt er að komast um innanhúss, lyftuaðgengi er á milli 1. og 2. hæðar og listar eru við alla þröskulda sem opnir eru almenning. Aðgengilegt salerni er á 1. hæð en það er þó í minna lagi. Eitt sérmerkt bílastæði fyrir hreyfihamlaða er í Tjarnargötu við Tjarnarskóla.
Sérstakt næðisrými er á 2. hæð.
Öll salerni eru kynlaus