Loftvægi - nánara aðgengi

Viðburðurinn fer fram á Hörputorgi, á milli Hörpunnar og Landsbankans, og er 30 mínútur að lengd. Svæðið er malbikað. Gert er ráð fyrir að gestir standi á meðan viðburðurinn fer fram en hægt er að fá sér sæti í áhorfendatröppum við Landsbankahúsið og á bekkjum á svæðinu.

Aðgengileg salerni eru í Hörpu á K1, efri hæð í bílakjallara.

19 sérmerkt bílastæði fyrir hreyfihamlaða eru í bílakjallara Hörpu og 2 stæði sjávarmegin við húsið sjálft. Til að geta lagt gjaldfrjálst í stæðin í bílakjallara þarf að senda póst á bilahus@greenparking.is með a.m.k. 3 tíma fyrirvara með nafni, kennitölu handhafa P-merkis, bílnúmeri, tímasetningu og ljósmynd af P-merki.

Aðgangur að viðburðinum er ókeypis.

Viðburðurinn fer fram utandyra og inniheldur hljómmikinn lúðrablástur.