Listahátíð í Reykjavík fer fram 30. maí - 14. júní 2026.

VALMYND

Adgengi_Idno

Frítt er á alla viðburði í Klúbbnum

Skiptiborð er inni á aðgengilegu salerni.

Pop up eldhús mun bjóða upp á Buddha/Poké skálar 30 maí, 5. júní og 14. júní milli kl. 17:00-22:00.

Rampur liggur að útidyrahurð. Hurð opnast ekki sjálfkrafa. Um 5 cm. þröskuldur er inn í hús með hallandi lista úti en ekki inni, þegar farið er úr húsi. Innanhúss eru listar eru við alla þröskulda sem opnir eru almenning. Lyfta er á milli 1. og 2. hæðar. Lyftan er til vinstri við tröppur upp á aðra hæð, við inngang inn í eldhús. Gestir geta notað lyftuna sjálfir.

Aðgengilegt salerni er á 1. hæð, til vinstri við inngang. Stuðningslár og vaskur er inni á salerni en rýmið sjálft er þó í minna lagi og því er aðgengi fyrir stærri hjólastóla ekki nógu gott.

Eitt sérmerkt bílastæði fyrir hreyfihamlaða er í Tjarnargötu við Tjarnarskóla. Einnig er eitt sérmerktstæði, sem einnig er hleðslustæði, á Kirkjutorgi við Dómkirkjuna og annað við Smiðju, skrifstofubyggingu Alþingis, á horni Tjarnargötu og Vonarstrætis.

Eftirfarandi viðburðir verða textaðir á heimasíðu sem gestir geta haft opna í farsímum á meðan viðburðinum stendur. Á staðnum verða hengd upp plaggöt með QR kóða sem gestir geta skannað til að sjá lifandi textun.

Rýmið er í Forsetaherberginu sem er til hægri þegar komið er inn í Sunnusal.

Rýmið verður myrkvað með kósý lýsingu. Þar verður meðal annars fiktidót, heyrnahlífar, púðar með mismunandi áferðum og þungt teppi.

Aðgengislýsing á Klúbbnum

Viðburður fyrir börn og fjölskyldur. Um er að ræða svokallað pop-up kaffihús sem rekið er af börnum. Börn taka þátt í að ákveða dagskrána og stundum afgreiða þau á kaffihúsinu. Á viðburðunum er alltaf boðið up á rými fyrir sköpun, t.d. leiki, danssmiðjur, námskeið eða annað. Börn og fjölskyldur geta komið og verið með á eigin forsendum.

Viðburðurinn er ekki háður tungumáli.

Hljóðstyrkur er í lágmarki. Stundum er spiluð tónlist í bakgrunni. Það er þó oft kliður í sjálfum gestunum.

Lýsing er hefðbundin og dagsbirta berst vel inn í rýmið.

Krakkakaffihús

Verk sem blandar saman dansi, lifandi hljóði, matarlist, myndefni og töluðu máli. Verkið fer fram í Iðnó. Fluttur verður texti og ljóð. Sum ljóðin fjalla á abstrakt máta um málefni á borð við fósturlát og fíkniefnaneyslu. Í verkinu er myndbandsinnsetning sem gerð er á staðnum. Myndböndin verða ekki geymd, þau eru einungis notuð á þessum viðburði. Einnig er lifandi hljóðmynd sem er gerð á staðnum. Einnig verður matarinnsetning sem gestir geta borðað.

Gestir mega dvelja í rýminu eins lengi og þeim hugnast. Það er hægt að taka þátt í vissum þáttum verksins en það má líka sleppa því og horfa bara á. Gestir geta ferðast um rýmið, staðið, setið og smakkað matinn.  

Hljóðstyrkur er í meðallagi. Nokkuð rökkur er í rýminu sem er lýst upp með kösturum.

Viðburðurinn hentar bæði fullorðnum og börnum.

Linked by Óheimsk

Námskeið sem haldið er í Iðnó. Námskeiðið fer fram á ensku.

Námskeiðið hentar öllum, óháð hreyfigetu líkamans. Það einblínir á inngildingu og hvernig öll geta hreyft sig. Stundum er unnið í hópin eða pörum. Stundum er unnið með snertingu, t.d. að leiða aðra, en snerting er alltaf með samþykki þátttakenda.

Lág tónlist verður í bakgrunni. Lýsing er jöfn, að mestu dagsbirta að utan.

Skapandi hreyfismiðja

Viðburðurinn er samsýning 8 ólíkra sviðsverka. Verkin eru öll verk í vinnslu. Sum verk eru flutt á íslensku, sum án ensku og sum eru án orða. Það eru um mjög ólík málefni. Í einu verki er fjallað um glæpasögur og samband okkar við ofbeldi á rituðu máli. Þar er t.d. komið inn á ofbeldi gagnvart fullorðnu fólki af hálfu lögreglu. Í sumum verkum er notast við grímur, í sumum er komið inn á kynlíf, ofát og dauða.

Hljóðstig er misjafnt eftir verkum. Sum þeirra byggja á fluttum texta á meðan önnur notast við tónlist sem er spiluð í hærra lagi. Lýsing er einnig misjöfn eftir verkum. Stundum er hefðbundin lýsing og stundum er alveg myrkur. Einhver verk notast við skaðlausan leikhúsreyk.

Viðburðurinn hentar ungu fólki en ekki ungum börnum.

Tilraunakvöld tóma rýmisins

Listamannaspjall við flautuleikarann Stefán Ragnar Höskuldsson sem fer fram á íslensku. Spyrill mun leiða spjallið. Salnum er stillt upp sem kaffihúsi og Stefán og spyrllinn sitja þannig að allir gestir sjái þau, mögulega á upphækkuðu sviði. Þau munu eiga afslappað spjall um listrænana feril Stefáns Ragnars. Þau tala bæði í hljóðnema. Að auki verður viðburðurinn með íslenskum texta en gestir geta sé textann í símanum sínum.

Hljóðstyrkur verður eðlilegur og lýsing verður hefðbundin.

Kvöldkaffi með Stefáni Ragnari

Listamannaspjall sem fer fram á ensku í Klúbbnum í Iðnó. Spyrill mun leiða spjallið. Áhorfendur sitja fyrir framan sviðið. Listamenn og spyrill munu eiga spjall um sýninguna Óður til frelsisins eftir úkraínska hópinn Open group sem sýnd er í Nýlistarsafninu. Umfjöllunarefni sýningarinnar er áhrif innrásar Rússa í Úkraínu og afleiðingar stríðs. Listamannaspjallið mun því fjalla um þau málefni. Viðburðurinn verður með enskum texta en gestir geta sé textann í símanum sínum.

Listamannaspjall Open Group

saman texta sem valinn hefur verið fyrirfram af skipuleggjendum. Textinn verður á ensku og verður aðgengilegur á staðnum. Ekki er þörf á að koma með neitt. Skipuleggjendur geta svarað spurningum og aðstoðað við að þýða einstaka orð ef þörf er á. Gestir skiptast á að lesa upphátt, hver á sinn hátt. Þátttakendur leshringsins ræða svo textann saman. Textinn verður lesinn fjallar um að endurskilgreina hvernig horft er á söguna. Þátttakendur eru hvattir til að hugsa hvernig er sagt frá og hvernig samfélagið getur verið aðgengilegra fyrir minnihlutahópa og þáttöku þeirra í skrifaðri sögu. Textinn getur því tekið á erfiðum málefnum sem tengist t.d. mismunun. Leitast er eftir því að skapa öruggt rými og í upphafi verða útskýrðar reglur, sem hópurinn ákveður í sameiningu, og hvernig samtalinu verður háttað.

Engin tónlist er í rýminu. Lýsing er almenns eðlis.

Hlustunarherbergi Garg

Vísnakvöld í Klúbbnum í Iðnó. Hagyrðingar munu skiptast á að koma upp á svið og semja vísur á staðnum um ýmis málefni. Inntakið getur verið af ýmsum toga, um málefni líðandi stundar, fréttir, nýlega viðburði, stjórnmál og hversdaginn.

Áhorfendur sitja fyrir framan flytjendur. Einhverjir áhorfendur í sal munu taka þátt í viðburðinum og verða þeir undirbúnir fyrirfram.

Hljóðstyrkur er hefðbundin og lýsing sömuleiðis.

Hagyrðingakvöld

Viðburðurinn er hátíð með ólíkri dagskrá yfir daginn. Viðburðurinn fagnar arabískri menningu. Boðið verður upp á dansnámskeið, basar, tungumálakennslu, trommutónleika og dansveislu. Gestir geta tekið þátt í allri dagskrá eða bara hluta hennar. Það má taka þátt í námskeiðum en líka bara dvelja í rýminu. Á trommutónleikunum sitja gestir og horfa á trommuleikarann á sviðinu.

Hljóðstyrkur verður misjadn eftir dagskrárlið. Mestmegnis verður hann í meðallagi en á trommutónleikum og í danspartý verður hann í hærra lagi. Það geta verið skyndileg óvænt hljóð.

Lýsing verður hefðbundin í flestum dagskrárliðum. Á tónleikum og í dansveislu verður sviðslýsingin nýtt meira.

Viðburðurinn hentar bæði fyrir fullorðna og börn. Gestir mega koma og fara að vild.

Arabískar nætur

Listamannaspjall við tónskáldið Hildi Guðnadóttir sem fer fram á íslensku. Spyrill mun leiða spjallið. Salnum er stillt upp sem kaffihúsi og Hildur og spyrllinn sitja þannig að allir gestir sjái þau, mögulega á upphækkuðu sviði. Þau munu eiga afslappað spjall um listrænana feril Hildar. Þau tala bæði í hljóðnema. Að auki verður viðburðurinn með íslenskum texta en gestir geta sé textann í símanum sínum.

Kvöldkaffi með Hildi Guðnadóttur

Listamannaspjall sem fer fram á ensku í Klúbbnum í Iðnó. Spyrill mun leiða spjallið. Áhorfendur sitja fyrir framan sviðið. Listamenn og spyrill munu eiga spjall um sýninguna Himna í Norræna húsinu. Viðburðurinn verður með enskum texta en gestir geta sé textann í símanum sínum.

Listamannaspjall Himna

Tónlistarviðburður í Iðnó. Markmiðið er að skapa afslappað og notalegt rýmið. Flytjendur eru 4 og verða þau úti á miðju gólfi. Gestir geta setið og staðið umhverfis, jafnvel gengið inn á milli ef þeir vilja. Það verða stólar í rýminu þar sem fólk getur sest en einnig verða dýnur og púðar á gólfinu þar sem fólk er hvatt til að koma sér vel fyrri.

Um miðbik verksins verður gestum boðið að taka þátt í tónlistarspuna sem Ingibjörg Fríða Helgadóttir mun leiða. Fólki verður boðið að t.d. taka þátt í einhvers konar möntrusöng. Ekki er skylda að taka þátt. Að viðburði loknum verður gestum boðið að ræða saman um viðburðinn.

Viðburðurinn samanstendur af lifandi tónlistarspuna em samhliða verður spilaður ómur í hljóðkerfinu á staðnum; stundum verður hljóðstyrkur yfir meðallagi og stundum í lægra lagi. Hljóðstyrkur á aldrei að vera óþægilegur. Lýsing í salnum verður mild.

Viðburðurinn hentar bæði fyrir fullorðna og börn.

Leidd

Fyrir hverja sýningu mun mjúk bjalla hringja og upplýsingar um lengd viðburðarins og mögulega kveikjuþætti verða kynntar.

Mögulegir kveikjuþættir eru meðal annars:

• Hreyfismiðja á efri hæð kl. 14:30–15:00, með hægum hreyfingum og lágværum samræðum hjá litlum hópi í miðju rýmisins (öll eru velkomin að taka þátt 😊)

• Hávært talað mál (ekki öskur eða hróp) kl. 15:00–16:00.

Ævintýri í skynsegin rými

Viðburður þar sem gestum er gefið færi á að taka þátt. Gestir sitja á móti listakonunni sem teiknar abstrakt mynd af því sem hún upplifir þegar hún horfir á gestina. Gestir geta lesið, teiknað eða verið í símanum á meðan. Gestir og listakonan geta talað saman á íslensku eða ensku, eftir því hvað hentar hverjum og einum. Það tekur um fimm mínútur að teikna hvern og einn gest.

Viðburðurinn fer fram í anddyri Iðnó. Lýsing er hefbundin auk þess sem dagsbirta berst vel inn í rýmið. Einhver kliður getur verið í rýminu en hljóðáreiti er í lágmarki.

Einhverfugreining

Sagnaviðburður þar sem fluttar eru grænlenskar þjóðsögur og sagnadans þar sem notast er við grímur. Sögurnar eru fluttar á ensku og örlítið á íslensku. Grænlensk þjóðsagnahefð er flutt af grímudansarar og er flutningur mjög lifandi. Grímudansarinn kemur oft nálægt áhorfendum en enginn snerting er þó á viðburðinum. Stundum talar dansarinn hátt og kallar svo fólki getur orðið bylt við.

Þjóðsögurnar fjalla um ýmiskonar hversdagsleg málefni en einnig um málefni á borð við mismunun gagnvart grænlensku þjóðinni af hálfu dana. Mynstrin í grænslensku grímunni vísa í bein, blóð, kynfæri og kynfærahár. Í grænlenska dansinum er einnig dansað út frá dauða, ást og lífi. Allt er þetta þó túlkað á abstrakt máta og er ekkert gróft efni í viðburðinum.

Lýsing í salnum er hefbundin og hljóðstyrkur er í meðallagi.

Viðburðurinn hentar fyrir fullorðna sem og börn.

Gríma

Þetta er þátttökuviðburður þar sem er fjallað um tilfinningar og bataferli. Gestir geta búið til gnocchi, sem er pasta út kartöflum, undir handleiðslu leiðbeinanda. Notast er við smjör, hveiti, kartöflu, salvíu, salt, hvítlauk og mögulega túmerik. Gnocchið er svo soðið og steikt, því verður matarlykt í rýminu. Gestir gera gnocchið sjálf, nota mögulega hendur sem og gaffla og hnífa. Gestir fara á milli mismunandi staða þar sem leiðbeinandi talar við þau. Á einum stað verður gestum mögulega boðið að fara úr skónum og setja fætur í mold. Í lokin gefst svo tækifæri til að borða gnocchið.

Hljóðstyrkur er í lágmarki, hljóð verður unnið á staðnum. Lýsing verður hefðbundinn.

Batamatur

Gestir eru hvattir til að koma með brotið leirtau eða hluti sem ekki hafa lengur hlutverk. Á staðnum verður einnig hægt að brjóta það sem maður vill sleppa taki á og umbreyta því í listaverk.

Fólki er boðið að færa verkinu brotið leirtau,  eða leirtau sem ekki þjóna lengur tilgangi sínum. 

Það sem hefur brotnað  eða þarf að brotna  verður hluti af sameiginlegu listaverki.

Viðvörun:
Vinsamlegast sýnið aðgát og passið sérstaklega upp á börn. Í verkinu eru brot og beitt yfirborð.

Aðgengi & skynlýsingar í Klúbbnum

Aðgengislýsing á Klúbbnum

Skynlýsingar á viðburðum í Klúbbnum