Future Forecast

MIÐASALA HEFST 8. MAÍ KL. 12:00

Future Forecast samanstendur af sjö glænýjum verkum sem upphaflega spretta upp úr vel ígrund­uðum hugmyndum um hvernig tónlist framtíðarinn­ar kynni að hljóma, ef vikið yrði frá fyrirsjáanlegum formum, hendingum og hljóðmyndum, en þess í stað leitað fanga í nýjum víddum. Nálgunin byggir á áhugaverðum tilviljunum og áhrifavöldum auk leitarinnar eftir nýmælum. Sköpunarferlið sem hófst með auðu blaði í Fljótunum í Skagafirði, þróaðist í skapandi síflæði í Flóka hljóðverinu þar sem óvænt samsetning og sameiginleg innöndun tónlistar­fólksins var veganestið heilladrjúga. Afraksturinn gefur að heyra í þeim 7 ópusum sem hér verða kynntir áheyrendum fyrsta sinni í lifandi flutningi á Listahátíð í Reykjavík.

Um skrautlegan feril Stuðmanna þarf ekki að fjölyrða en margir liðsmenn sveitarinnar hafa gert sig gildandi í víðu, skapandi og fjölþjóðlegu samhengi um árabil. Peter Erskine á að baki glæstan feril með Weather Report, Steely Dan, Joni Mitchell o.fl. Matthew Garrison er í fremstu röð bassaleikara heimsins um þessar mundir og bandaríski saxófónl­eikarinn Phil Doyle hefur fyrir löngu skipað sér í hóp fremstu tónlistarmanna sem starfa á Íslandi. Auk ópusasafnsins Future Forecast verða á tónleikun­um rifjuð upp nokkur af þekktustu verkum meðlima Jack Magnet Science-teymisins.