![](/_next/image?url=https%3A%2F%2Fimages.prismic.io%2Flistahatid%2F354e01bb-4f06-4dd2-bbef-92ffd528c1f9_Screenshot%2B2024-03-21%2Bat%2B15.31.26.png%3Fauto%3Dcompress%2Cformat&w=1300&q=75)
Yfirtaka: Vökufélagið
Iðnó mun iða af lífi þegar Vökufélagið tekur völd. Vökufélagið hefur það að markmiði að styðja gróskumikið þjóðlistasamfélag á Íslandi ásamt því að efla lifandi hefðir og menningararf á sviði þjóðlaga, söngs, dans, kveðskapar, handverks o.fl.
Á yfirtökunni verður boðið upp á aragrúa viðburða allt frá söng-, hljóðfæra- og danssmiðjum yfir í hljóðfæraleik, handverk, samspil og umræðuvettvang um þjóðlist. Dagskráin nær hápunkti sínum með tónleikum þar sem hlýða má á úrval fremstu listamanna á sviði þjóðtónlistar.
Yfirtaka Vökufélagsins verður óður til fjölbreytileika í lifandi menningarlandslagi þjóðlista á Íslandi.
Aðgengi
Hjólastólaaðgengi er í Iðnó. Næsta strætóstoppistöð heitir Ráðhúsið. Stoppistöðin MR er einnig nærri sem og Hallargarðurinn.