Sun & Sea

Rugilė Barzdžiukaitė (LT)
Vaiva Grainytė (LT)
Lina Lapelytė (LT)

Við erum stödd á strönd. Brennheit sól, lykt af sólarvörn og marglit sundföt. Sveittir lófar og leggir. Þreyttir líkamar liggja letilega þvers og kruss yfir mósaíkmynstur handklæða. Við heyrum skræki í börnum, hlátur, bjöllu ísbíls í fjarska. Taktfast öldugjálfur róar hugann. Plastpokar þyrlast með skrjáfi um loftið og aðrir fljóta á yfirborðinu líkt og þöglar marglyttur. Gnýr í eldfjalli eða flugvél eða spíttbáti. Svo taka raddir að hljóma: Hversdags-söngvar, söngvar um áhyggjur og leiðindi, söngvar um nánast ekki neitt.  Og undir marrar jörðin, örmagna; tekur andköf.

Sun & Sea er eitt umtalaðasta listaverk síðari ára og hefur heillað unga sem aldna. Sýningunni hefur verið lýst sem “algjörri opinberun” (Artnet) og “sálusöng yfir myrkvun jarðar ... hreint einstakri sýningu” (Guardian) en hún sló í gegn á Feneyjatvíæringnum 2019 þar sem hún var framlag Litháa. Verkið hreppti aðalverðlaun hátíðarinnar, Gullna ljónið. Port Hafnarhússins breytist nú í strönd þar sem svartur, íslenskur sandur myndar undirstöðuna fyrir flutning þrettán söngvara. Sun & Sea er langvarandi innsetning/gjörningur sem mun hrífa, koma á óvart og útmá mörk milli listgreina.

Verkið er flutt í stöðugri endurtekningu, fjóra tíma hvorn sýningardag. Áhorfendur geta komið og farið að vild.

Höfundar: Rugilė Barzdžiukaitė, Vaiva Grainytė, Lina Lapelytė
Sýningarstjóri: Lucia Pietroiusti
Tæknistjóri: Lique van Gerven
Hljóðmeistari: Romuald Galiauskas
Stjórnandi sýningaferðalags og sviðsstjóri: Erika Urbelevič
Útlitshönnun: Goda Budvytytė
Enskur texti: Rimas Uzgiris
Upprunaleg framleiðsla: Neon Realism
Framleiðandi: Aušra Simanavičiūtė
Samstarfsaðilar: Nida Art Colony of Vilnius Academy of Arts, Akademie Schloss Solitude Goethe-Institut, Münchner Kammerspiele, National Gallery of Art in Vilnius, Staatsschauspiel Dresden, The Momentary, Arkansas og Listasafn Reykjavíkur.

Langar þig að vera með á ströndinni? 
Við leitum nú að aukaleikurum af öllum stærðum og gerðum til að liggja með listafólkinu á ströndinni og gera sem minnst. Langar þig að vera með? 

Sun & Sea er í samstarfi við Listasafn Reykjavíkur

Styrktaraðilar:

4. JÚN - 5. JÚN

Dagsetning

4. júní 2022, kl. 12:00-16:00
5. júní 2022, kl. 12:00-16:00

Staðsetning

Verð

Ókeypis

Listafólk

Rugilė Barzdžiukaitė (LT), Vaiva Grainytė (LT), Lina Lapelytė (LT)

Aðgengi

Hjólastólaaðgengi og hægt er að fá hjólastól lánaðan. Aðgengi hjólastóla að sýningarrými Sun & Sea verður um hliðardyr. Hentar heyrnaskertum. 

STRÆTÓ: 1, 3, 6, 11, 12, 13, 14, 55

Merktu daginn