![](/_next/image?url=https%3A%2F%2Fimages.prismic.io%2Flistahatid%2F10e877f8-7eac-496e-9e0d-406392b47a9a_Screenshot%2B2024-03-05%2Bat%2B14.04.23.png%3Fauto%3Dcompress%2Cformat&w=1300&q=75)
Las Vegan
Marglaga fjölskyldusaga í porti Hafnarhússins
Þegar barnið sér á TikTok að vísindamenn telji að heimurinn mun farast árið 2036 bregður konan á það ráð að flytja fjölskylduna til Las Vegas til að láta drauma barnsins um að læra látbragðsleik rætast áður en það er orðið um seinan. Í Las Vegas dragast þau smátt og smátt inn í heim skemmtanaiðnaðarins þegar konan fer að æfa loftfimleika og maðurinn sogast inn í sönglistina ...
Las Vegan fjallar um fjölskyldu í rofi — hjón á krossgötum með barn í myrkri tilvistarkreppu og einmana ömmu í herför gegn óréttlæti heimsins. Í þessu marglaga sviðsverki myndlistarkonunnar og leikmyndarhöfundarins Ilmar Stefánsdóttur tvinnast myndlist, leiklist, tónlist og sirkuslistir saman á magnaðan hátt. Leikið er á öll skynfæri áhorfenda og túlkun leikaranna er bæði mynd- og hljóðræn.
Höfundur sjónleiks & uppfærslu: Ilmur Stefánsdóttir
Listrænn meðstjórnandi: Valur Freyr Einarsson
Flytjendur: Ebba Katrín Finnsdóttir, Eggert Þorleifsson, Guðrún Gísladóttir, Margrét Vilhjálmsdóttir, Valur Freyr Einarsson, Davíð Þór Jónsson, Justyna Micota, Jón Sigurður Gunnarsson
Ljós & tækni: Blair Alexander
Hljóðvinnsla: Aron Þór Arnarsson
Höfundur myndvinnslu: Elmar Þórarinsson
Sirkusþjálfun: Eyrún Ævarsdóttir, Jóakim Meyvant Kvaran
Hár og förðun: Tinna Ingimarsdóttir
Aðstoð við uppsetningu: Auður Ösp Guðmundsdóttir
Aðgengi
Gott hjólastólaaðgengi. Næsta strætóstoppistöð heitir Hafnarhúsið. Stoppistöðin Lækjartorg er einnig nærri.