Enigma

Enigma

19. júní 2022 kl. 19:00
19. júní 2022 kl. 21:00

Enigma er nýr strengjakvartett eftir eitt fremsta tónskáld samtímans, Önnu Þorvaldsdóttur, sem fluttur verður á Listahátíð ásamt vídeóverki Sigurðar Guðjónssonar. Til grundvallar verkinu liggur hugmyndin um það sem er „á milli“ og í tónlistinni kallast á flæði og uppbrot; saman við taktfasta undirstöðuna sem sífellt rís og hnígur er teflt brotakenndum efniviði – skuggum sem lifa sem hluti af heildinni.

Verkið heyrðist fyrst í Kennedy Center í Washington DC í frumflutningi the Spektral Quartet, sem hafa hlotið fjórar tilnefningar til Grammy-verðlaunanna og kölluðu eftir verkinu í samstarfi við Carnegie Hall og Washington Performing Arts. Kvartettinn hefur síðan ferðast um með Enigma sem hefur verið lýst sem frábrugðnum öllum öðrum strengjakvartettum sem áður hafa heyrst; stórfenglegu verki á mörkum tónleika og innsetningar.

Tónverk Önnu Þorvaldsdóttur hafa verið flutt af mörgum helstu sinfóníuhljómsveitum og tónlistarhópum samtímans. Meðal þeirra viðurkenninga sem henni hafa hlotnast eru hin eftirsóttu Tónlistarverðlaun Norðurlandaráðs. Sigurður Guðjónsson var valinn myndlistarmaður ársins 2018 á Íslandi, hefur sýnt víða um heim og var valinn fulltrúi Íslands á Feneyjatvíæringnum 2021.

 

Tónskáld: Anna Þorvaldsdóttir

Myndbandsverk: Sigurður Guðjónsson

Spektral kvartett:
Fiðla: Maeve Feinberg
Fiðla: Clara Lyon
Víóla: Doyle Armbrust
Selló: Russell Rolen

19. JÚN

Staðsetning

Verð

2.900 kr.

Listamenn

Anna Þorvaldsdóttir, Sigurður Guðjónsson, Spektral Quartet

Merktu daginn

Aðgengi

Hjólastólaaðgengi. Hentar sjónskertum.