Barbara Hannigan

Bar­bara Hannig­an

3. júní 2022 kl. 19:30
4. júní 2022 kl. 17:00

Kanadíska sópransöngkonan Barbara Hannigan hefur vakið feykilega aðdáun um heim allan undanfarin ár, fyrir stórfenglegan söng en ekki síður fyrir hæfileika sína sem hljómsveitarstjóri. Hún hefur starfað með öllum helstu hljómsveitum heims og hefur frumflutt yfir 85 ný tónverk, meðal annars eftir György Ligeti og Hans Abrahamsen. Þá hefur hún sungið í helstu óperuhúsum heims, meðal annars hið krefjandi titilhlutverk í Lulu eftir Alban Berg.

Barbara Hannigan hefur hlotið ótal verðlaun fyrir list sína, meðal annars Grammy-verðlaun fyrir plötuna Crazy Girl Crazy árið 2018 og hin virtu Léonie Sonning-verðlaun árið 2020. Þegar Rolf Schock-verðlaunin féllu henni í skaut rökstuddi dómnefndin ákvörðun sína með þeim orðum að Hannigan væri „einstakur og framsækinn flytjandi sem nálgast tónlistina sem hún flytur með öflugum og lifandi hætti“.

Hannigan kemur nú í fyrsta sinn til Íslands og er víst að tónleikar þessarar frábæru tónlistarkonu verða stórviðburður í tónlistarlífinu.

Barbara Hannigan kemur fram á tvennum tónleikum með Sinfóníuhljómsveit Íslands. 

Efnisskrá tónleikanna hefur verið opinberuð en hún er sem hér segir : 

Ives                  Unanswered Question
Schoenberg     Verklaerte Nacht

-
Berg                 Lulu Suite 
Gershwin         Girl Crazy Suite (útsett af Bill Elliott)

3. JÚN - 4. JÚN

Staðsetning

Verð

ISK 3.900 - 9.500

Listamenn

Barbara Hannigan, Sinfóníuhljómsveit Íslands

Merktu daginn