Again the Sunset á Austurlandi

Inga Huld Hákonardóttir (IS)
Yann Leguay (BE)

Athugið að á Austurlandi er Again the Sunset flutt í tónleikaútgáfu.

Again the Sunset er upplifun sem dansar á mörkum þess að vera tónleikar og gjörningur; andsetinn ástarsöngur sem ferðast um röddina og inn í líkamann, inn í hið hráa og frumstæða, líkt og vera sem tjáir sig án þess að eiga sér áskapað form.

Tvær mannverur birtast okkur. Þær vinna til þess að halda áfram og halda áfram til þess að vinna, þær færa það sem þarf að færa og syngja það sem þarf að syngja um svikula steina, vafasöm ský og vonlausar sögur af ástinni. Orðin hnita hringi líkt og hugsanir sem sækja á þær; kraftar náttúrunnar mæta nálgun sem hverfist um hið skúlptúríska og hjóðræna.

Inga Huld Hákonardóttir er einn framsæknasti danshöfundur landsins og hefur unnið víða á hinni alþjóðlegu dans- og gjörningasenu. Yann Leguay er hljóðlistamaður sem reynir á þanþol listformsins og hefur tekið þátt í sýningum og hátíðum í ýmsum löndum. Í sýningunni sameinar þetta listafólk krafta sína til að skapa hljóð- og sjónrænt hugsanaflæði á andvökunótt.

 

Danshöfundur, Listrænn stjórnandi: Inga Huld Hákonardóttir
Hljóðmynd: Yann Leguay
Sviðsmynd: Inga Hákonardóttir, Yann Leguay
Ljós: Gregory Rivoux
Listræn ráðgjöf: Gaëtan Rusquet
Framleiðsla: Kunstenwerkplaz Pianofabriek og Kosmonaut Production
Ljósmyndir: Stanislav Dobak

Styrktaraðilar:

5. JÚN - 7. JÚN

Dagsetning

5. júní 2022, kl. 17:00 Tankurinn á Djúpavogi
6. júní 2022, kl. 20:00 Herðubreið, Seyðisfirði
7. júní 2022, kl. 20:00 Svavarssafn á Höfn

Staðsetning

Verð

Ókeypis

Listafólk

Inga Huld Hákonardóttir, Yann Leguay

Aðgengi

Hvorki er gott aðgengi fyrir hjólastóla að Tankinum á Djúpavogi né Herðubreið. Í Svavarssafni sem staðsett er í ráðhúsi Hornafjarðar er ágætis aðgengi fyrir hjólastóla.

Merktu daginn