Again the sunset Inga Huld

Aga­in The Sun­set

12. júní 2022 kl. 20:00

er upplifun sem dansar á mörkum þess að vera tónleikar og gjörningur; andsetinn ástarsöngur sem ferðast um röddina og inn í líkamann, inn í hið hráa og frumstæða, líkt og vera sem tjáir sig án þess að eiga sér áskapað form.

Tvær mannverur birtast okkur. Þau vinna til þess að halda áfram og halda áfram að vinna, þau færa það sem þarf að færa og syngja það sem þarf að syngja um svikula steina, vafasöm ský og vonlausar sögur af ástinni. Orðin hnita hringi líkt og hugsanir sem sækja á þau; kraftar náttúrunnar mæta nálgun sem hverfist um hið skúlptúríska og hjóðræna.

Inga Huld Hákonardóttir er einn framsæknasti danshöfundur landsins og hefur unnið víða á hinni alþjóðlegu dans- og gjörningasenu. Yann Leguay er hljóðlistamaður sem reynir á þanþol listformsins og hefur tekið þátt í sýningum og hátíðum í ýmsum löndum. Í sýningunni sameinar þetta listafólk krafta sína til að skapa hljóð- og sjónræna hugsanaflækju á andvökunótt.

 

Danshöfundur, Listrænn stjórnandi: Inga Huld Hákonardóttir
Hljóðmynd: Yann Leguay
Sviðsmynd: Inga Hákonardóttir, Yann Leguay
Ljós: Gregory Rivoux
Listræn ráðgjöf: Gaëtan Rusquet
Framleiðsla: Kunstenwerkplaz Pianofabriek og Kosmonaut productions
Ljósmyndir: Stanislav Dobak

12. JÚN

Staðsetning

Verð

3.900 kr.

Listamenn

Inga Huld Hákonardóttir

Merktu daginn

Aðgengi

Hjólastólaaðgengi.