A Simple Space

Gravity & Other Myths (AU)

Á Listahátíð gefst einstakt tækifæri til að sjá leiftrandi sirkussýningu á heimsmælikvarða þegar sjö fimir akróbatar þenja mörk hins mögulega í innilegri sýningu sem er í senn tryllt, hrá og fínleg. Áhorfendur upplifa hitann og áhættuna með listafólkinu og heyra hvern andardrátt. Í sýningunni er lifandi slagverksleikur sem skapar magnað andrúmsloft á einstökum viðburði sem höfðar til ungra sem aldinna.

A Simple Space hefur verið flutt rúmlega 900 sinnum í ríflega 35 löndum, hefur hlotið fjölda alþjóðlegra verðlauna og fengið frábæra dóma í heimspressunni þar sem listafólkið er sagt sýna aðdáunarverðan styrk, færni og sköpunargleði. Sýningunni er lýst sem „algjörum sigri“ og hún sögð vekja sanna gleði.

Sýningin hentar áhorfendum frá 7 ára aldri, óháð tungumáli.

Fram koma: 
Andre Augustus
Annalise Moore
Alyssa Moore
Axel Osborne
Jackson Manson
Jordan Hart
Lachlan Harper
Nicholas Martyn 

Framleiðandi: Aurora Nova