Listahátíð í Reykjavík fer næst fram 1. - 16. júní 2024.

Eins og komið hefur fram víða hefur Listahátíð í Reykjavík 2005 fengið geysimikla umfjöllun í erlendum blöðum og tímaritum. Einkanlega hefur verið til þess tekið hve mikið var ritað um hátíðina áður en hún hófst.

Komið er út glæsilegt sýningarrit með myndum af listaverkum frá myndlistarþætti Listahátíðar í Reykjavík 2005. Bókin ber nafnið Material time, work time, life time og hefur að geyma ljósmyndir úr vinnustofum Dieters Roth og af verkum listamannsins frá sýningunni Lest sem nú stendur yfir í Listasafni Reykjavíkur, Listasafni Íslands og Gallerí 100° ásamt myndum þrjátíu og fjögurra listamanna sem unnu verk sín sérstaklega fyrir Listahátíð undir heitinu Tími, rými, tilvera. 

Bókinni fylgir sýningarskrá með viðtölum við listamennina:

Jessica Morgan og Björn Roth önnuðust sýningarstjórn og ritstjórn. Ljósmyndirnar í bókinni eru eftir Friðrik Örn Friðriksson en myndir úr vinnustofum Dieters Roth eru eftir Magnús Reyni Jónsson. Hönnun ritverksins var í höndum Barkar Arnarsonar og Gunnars Thor Vilhjálmssonar en Dorothée Kirsch sá um framkvæmdastjórn. Yfirumsjón með verkinu hafði Sigurjón Sighvatsson.

Verkið var unnið að frumkvæði Eiðastóls sem einnig sá um grunnfjármögnun þess í samvinnu við Kb banka, Odda og 66°N en auk þess tóku Listasafn Íslands, Listasafn Reykjavíkur og Listahátíð í Reykjavík þátt í verkefninu. Með Eiðastóli tekur hið virta þýska útgáfurfyrirtæki Revolver þátt í útgáfunni og sér um dreifingu bókarinnar um allan heim en fyrirtækið býr yfir þekkingu og reynslu á sviði samtímalistar.

Bókin er tæpar 200 síður og litprentuð hjá Odda. Sýningarskráin er prentuð hjá prentsmiðju Morgunblaðsins.

Listahátíð í Reykjavík, sem hófst laugardaginn 14. maí með opnun á sýningu á verkum Dieter Roth í Listasafni Reykjavíkur, lauk formlega sunnudaginn 5. júní, daginn eftir glæsilega lokatónleika hátíðarinnar í Háskólabíói með sænsku mezzósópransöngkonunni Anne Sofie von Otter og Bengt Forsberg píanóleikara.

Þótt Listahátíð í Reykjavík hafi formlega lokið sl. sunnudag, 5. júní, munu nær allar myndlistarsýningarnar sem tilheyrðu Tími rými tilveru halda áfram fram eftir sumri.

Listamenn Listahátíðar 2002 hafa ýmsir verið á ferð og flugi með verkefni sem frumflutt voru á hátíðinni í fyrra.

Fjórar íslenskar listastofnanir, Íslenska óperan, Þjóðleikhúsið, Sinfóníuhljómsveit Íslands og Listahátíð í Reykjavík, hafa tekið höndum saman um umfangsmikið samstarf um óperuflutning, en undirbúningur að þessu samstarfi hefur staðið í um það bil ár.

Laust er til umsóknar starf framkvæmdastjóra Listahátíðar í Reykjavík.

Fréttir

Erlend umfjöllun

Sýningarrit komið út

Í lok Listahátíðar

Sýningarnar halda áfram

Listafólk á ferð og flugi

Listahátíð í EFA

Samstarf um óperuflutning

Framkvæmdastjóri

Fréttir

Er­lend um­fjöl­lun

Sýningar­rit komið út

Í lok Lis­tahátíðar

Sýningar­nar hal­da áfram

Listafólk á ferð og flu­gi

Lis­tahátíð í EFA

Sam­starf um ópe­ru­flut­ning

Framkvæm­dastjóri