21. maí — 5. júní 2016
 
V Afhjúpun

Afhjúpun

Höfundasmiðja FLH og Borgarleikhússins

Borgarleikhúsið og umhverfi
22. maí kl 14:00

Verð: 3.500 kr.
Deila

Félag leikskálda og handritshöfunda, FLH, og Borgarleikhúsið, í samstarfi við Listahátíð í Reykjavík, efna til leiklestra á splunkunýjum verkum eftir fjóra íslenska höfunda. Verkin voru unnin í höfundasmiðju á vegum FLH og Borgarleikhússins. 
 
Verkin fjögur sem leiklesin verða í Borgarleikhúsinu og nágrenni þess eru afar ólík að efni og formi. Við fylgjumst með íslenskum konum í gufubaði í fjarlægu landi þar sem hryðjuverk vofir yfir, systkinum sem hittast í íbúð í Reykjavík eftir margra ára fjarvistir til að útkljá myrkaverk úr fortíðinni, strák og stelpu sem hittast í grímupartýi í Reykjavík með óvæntum afleiðingum og tveimur nágrannakonum sem eiga í óvæntum en ofsafengnum samskiptum út af ketti.
 
Auglýst var eftir verkum í vinnslu og bárust alls 36 umsóknir. Af þeim voru fjögur verk valin til að verða unnin áfram undir handleiðslu listræns ráðunautar Borgarleikhússins. Haldin var vinnuvika með skáldunum ásamt völdum leikstjórum og leikurum Borgarleikhússins. Leiklesið verður úr eftirtöldum verkum á mismunandi stöðum í Borgarleikhúsinu (áhorfendur verða leiddir milli staða):
 
EFNISSKRÁ:
Gestir eftir Hildi Knútsdóttur í leikstjórn Viðars Eggertssonar. Leikarar: Elma Stefanía Ágústsdóttir og Þuríður Blær Jóhannsdóttir (Litla sviðið)
 
Rauðir þræðir eftir Jóhann Þórsson í leikstjórn Vigdísar Jakobsdóttur. Leikarar: Esther Talía Casey og Orri Huginn Ágústsson (Bílakjallari)
 
Hlé
Sjö konur myrtar í gufubaði eftir Sigurbjörgu Þrastardóttur í leikstjórn Kristínar Eysteinsdóttur. Leikarar: Esther Talía Casey, Vala Kristín Eiríksdóttir, Theódór Júlíusson og Þuríður Blær Jóhannsdóttir (Litla sviðið)
 
Tvískinnungur eftir Jón Magnús Arnarsson í leikstjórn Stefáns Jónssonar. Leikarar: Jón Magnús Arnarsson og Vala Kristín Eiríksdóttir (Litla sviðið)
 
Tími: 4×20 mín, ca. 2 klst.
 
Verkefnið er styrkt af Mennta- og menningarmálaráðuneytinu.