21. maí — 5. júní 2016
 
S Weather Diaries – Gerður

Weather Diaries

Ritsmiðja með Gerði Kristnýju

Norræna húsið
28. maí kl 13:00 — 15:00 29. maí kl 11:00 — 13:00

 

Ritsmiðjan fer fram á íslensku. Hámark 25 þátttakendur í hverri smiðju. Þátttaka er ókeypis og skráning í gegnum happinn fyrir neðan.

Deila

Rithöfundurinn Gerður Kristný sækir efniviðinn í ritsmiðjuna innan veggja Norræna hússins en þar stendur nú yfir sýningin Veðurdagbækurnar (The Weather Diaries). Sýningin býr yfir ævintýralegum myndheimi og dularfullum sögum sem verður að segja …
 
Í ritsmiðjunni fá krakkar á aldrinum 9-14 ára tækifæri til að virkja ímyndunaraflið með því að spinna sínar eigin sögur upp úr ævintýraheimi Veðurdagbókanna en þar kynnumst við m.a. dreka, loðnum verum og dularfullum tvíburasystrum.
 
Sýningin er unnin af tvíeykinu Cooper & Gorfer í samstarfi við marga af þekktustu hönnuðum og listamönnum frá Íslandi, Grænlandi og Færeyjum. Cooper & Gorfer sækja sér innblástur til málaralistar 18. og 19. aldar og bregða upp ævintýralegum myndheimi, þrungnum sögu. Þar er líkt og Cooper og Gorfer hafi numið nýtt land. Þótt umhverfið sé vissulega kunnuglegt er það um leið framandi. Eins og allir góðir sögumenn hika þær nefnilega ekki við að færa í stílinn. Sagan sjálf er aðeins grunnurinn en stemmningunni ráða þær sjálfar. Það er síðan áhorfandans að lesa á milli línanna og túlka.
 
Þátttaka í viðburðunum er ókeypis. Skráning fer fram á tix.is.