21. maí — 5. júní 2016
 
Rýmin og skáldin V: Slysagildran eftir Steinunni Sigurðardóttur

Rýmin og skáldin V: Slysagildran

eftir Steinunni Sigurðardóttur

Í leikstjórn Hlínar Agnarsdóttur

Gerðubergssafn
01. janúar 01. janúar

Verð: 2.000 kr.
Deila

Eftir lokun, á bókasöfnum borgarinnar, eru ný leikrit að verða til.

 

„Slysagildran fjallar um Finn Svan Finnsson, mann á besta aldri í ströngum samningaviðræðum um framhaldslíf, við konu sem kallar sig Petru. Hún montar sig af lyklavöldum. Samt er það yfirstjórnin sem ber ábyrgð á ákvarðanatökunni, og jafnvel páfagaukur Petru.  En hvað gerir Petra þegar hún áttar sig á því að upplýsingar í kladdanum um Finn Svan eru ekki áreiðanlegar – að hún er að tala við annan mann en þar er lýst?“

 

Í Rýmunum & skáldunum gefst áhorf­endum færi á að upplifa nýja hlið á bókasafninu og verða vitni að sköpunarferli sex nýrra íslenskra leikverka í sviðsettum leiklestri undir leik­stjórn sex leik­stjóra. Eftir þennan fyrsta flutning fyrir áhorfendur þróa leikskáldið og leikstjórinn verkið áfram og síðar á árinu verða þau tekin upp á vegum Útvarps­leik­hússins.

 

Skáldin og leikstjórarnir eru Auður Ava Ólafsdóttir, Bragi Ólafsson, Ingibjörg Magnadóttir, Ragnheiður Harpa Leifsdóttir, Sigurður Pálsson, Steinunn Sigurðardóttir, Harpa Arnardóttir, Kristín Eysteinsdóttir, Kristín Jóhannesdóttir Hlín Agnarsdóttir, Marta Nordal og Stefán Jónsson.

 

Meðal leikenda eru Steinunn Ólína Þorsteinsdóttir, Ilmur Kristjánsdóttir, Sveinn Ólafur Gunnarsson og Víkingur Kristjánsson.

 

Hægt er að kaupa miða á öll leikverkin sex á 8000 krónur í miðasölu Listahátíðar s. 561 2444 eða á [email protected]