13. maí — 7. júní 2015
Endatafl eftir Samuel Beckett

Endatafl

eftir Samuel Beckett

Leiksýning með umræðum við listamenn á eftir

Tjarnarbíó
14.maí kl 20:00 hátíðarsýning
17.maí kl 20:00 hátíðarsýning

Verð: 3.900 kr.
Kaupa miða Deila

Listahátíð býður upp á tvær sérstakar hátíðarsýningar á Endatafli í sviðsetningu leikhópsins Svipir, þar sem áhorfendum gefst kostur á að eiga samtal við listamennina eftir sýningu.

 

Fjórir leikarar…, fjórar persónur lokaðar inni í byrgi. Eru þetta endalok jarðlífsins? Það er augljóst að mikið liggur undir. Allt lífið.

Það er fátt jafn hlægilegt og óhamingjan. Hún er það hlægilegasta í heiminum,“ segir ein þeirra. Í þessu tragíkómíska verki Samuels Beckett eru harðstjórn og undirgefni í stöðugu samspili.

 

Spyrja má hvort taflmennska Becketts felist ekki í því að horfast í augu við smákónginn og þrælinn sem leynist innra með honum sjálfum og reyndar hverjum og einum. Þess vegna snertir þetta verk okkur öll.

 

Endatafl er annað frægasta leikrit Nóbelverðlaunahafans írska, Samuels Beckett, tvímælalaust eins áhrifamesta leikskálds tuttugustu aldarinnar. Hitt verkið er Beðið eftir Godot.

 

Endatafl var frumsýnt 1957 í skugga kjarnorkuógnar. Enn er samfélögum og í raun öllu jarðlífi ógnað af skammsýni mannanna og verkið skírskotar þannig beint til samtímans.

 

Leikarar: Þorsteinn Bachmann, Þór Tulinius, Harpa Arnardóttir og Stefán Jónsson

Sviðsetning: Kristín Jóhannesdóttir

Þýðandi: Árni Ibsen

Dramatúrg og endurskoðun þýðingar með leyfi rétthafa: Sigurður Pálsson

Búningar: Þórunn María Jónsdóttir

Lýsing: Halldór Örn Óskarsson

Förðun: Kristín Thors
Ljósmyndari: Jónatan Grétarsson
Sýningastjóri: Arnþór Þorsteinsson