Til baka
Til baka
#reykjavikartsfestival2018 #listahatid2018
Leiklist Tónlist Hönnun

EDDA

Robert Wilson (USA) & Norske Teatret (NOR)

17
jún.
18
jún.
Kl. 20:00
Borgarleikhúsið - stóra svið
Sjá kort

Norræna goðafræðin eins og hún hefur aldrei birst okkur áður! - Einstakt tækifæri til að sjá stórvirki eins af meisturum nútímaleikhúss á íslensku leiksviði.

Robert Wilson telst til áhrifamestu og framsæknustu leikhúslistamanna síðustu áratuga. Sýningar hans eru þekktar fyrir að vera mikið sjónarspil og unnar af tæknilegri nákvæmni sem fáir leika eftir. EDDA í uppsetningu Det Norske Teatret ber höfundareinkennum Wilsons sterkt vitni bæði í útliti og leikstíl og óhætt er að segja að þessi sýning sé ólík öllu sem áður hefur sést á íslensku leiksviði. Hér er um að ræða umfangsmesta erlenda verkefni Listahátíðar í ár. 

Leikskáldið Jon Fosse gerir leikgerðina að verkinu en tónlistarstjórn er í höndum íslenska tónlistarmannsins Valgeirs Sigurðssonar. Frumsamin tónlist í verkinu er eftir systurnar í CocoRosie. Auk þess leikur tónlist hins eistneska Arvo Pärt stórt hlutverk í sýningunni.

 

Sýningin vann Hedduverðlaunin í Noregi sem leikhúsviðburður ársins 2017 og fyrir bestu leikmynd og búninga.

Sýningin er á norsku, ensku og íslensku og verður textuð á íslensku. Hún er hins vegar afar sjónræn og krefst ekki skilnings á tungumálunum. 

 

Leikstjórn, hönnun og lýsing: Robert Wilson

Leikgerð: Jon Fosse
Tónlistarstjóri: Valgeir Sigurðsson
Tónlist eftir: CocoRosie & Arvo Pärt
Búningahönnuður: Jacques Reynaud
Dramatúrg: Carl-Morten Amundsen
Aðstoðarleikstjóri: Ann Christin Rommen
Aðstoðarhönnuður sviðsmyndar: Serge Von Arx
Leikgervi: Manu Halligan
Aðstoðarhönnuður lýsingar: John Torres

Leikarar: Henrik Rafaelsen, Gjertrud Jynge, Sigve Bøe, Frode Winther, Eivin Nilsen Salthe, Marianne Krogh, Paul-Ottar Haga, Joachim Rafaelsen, Ola G. Furuseth, Renate Reinsve, Jon Bleiklie Devik, Unn Vibeke Hol, Inge Jørgensen Dragland

 

Samstarf við Det Norske Teatret, Oslo, Aarhus Teater, Danmörku og Aarhus 2017 Menningarborgar Evrópu & Unlimited Performing Arts.

EDDA er hluti af dagskrá aldarafmælis fullveldis Íslands 2018.