SCHUBERT SLÆR Í GEGN - LOKATÓNLEIKAR Á SUNNUDAGINN
Ágúst Ólafsson barítónsöngvari og Gerrit Schuil píanóleikari hafa slegið í gegn með morguntónleikaröð sína í Fríkirkjunni. Enginn íslenskur söngvari hefur áður tekist á við heildarflutning þessara söngflokka og hafa þeir hlotið frábærar viðtökur áhorfenda og lofsamlega dóma fyrir flutning sinn og túlkun. Lokatónleikar Ágústs og Gerrits eru á sunnudaginn klukkan 11.00, þar sem þeir flytja Der Schwanengesang, Svanasöng, en þeir fluttu Malarastúlkuna fögru og Vetrarferðina síðustu tvo sunnudagsmorgna.
Helgi Jónsson tónlistargagnrýnandi Ríkisútvarpsins segir meðal annars í dómi sínum í Víðsjá:
"Ágúst er einn af okkar allra, allra bestu söngvurum ... Ég get ekki ímyndað mér annað en að þeir sem þetta upplifðu muni mæta aftur í Fríkirkjuna og hlakka til næsta sunnudags". Hlusta á umfjöllunina í heild sinni á vef Ríkisútvarpsins.
Í tilefni tónleikaraðarinnar opnar veitingahúsið Iðnó í hádeginu og býður upp á hádegishlaðborð. Sjá matseðil hér
Kaupa miða á Svanasöng