Fréttir
SANNKALLAÐ SÚPERTRÍÓ Á LISTAHÁTÍÐ
„Magnaður kraftur og hrífandi innsæi“ eru orð blaðamanns Daily Telegraph um samstarf Leif Ove Andsnes, Christian Tetzlaff og Tanja Tetzlaff. Þessir merku einleikarar og vinir hafa ástríðu fyrir kammertónlist og koma fram reglulega saman. Á tónleikunum á Listahátíð í Reykjavík leika þau rómantíska og tilfinningaríka efnisskrá sem er tileinkuð Robert Schumann, en í ár eru 200 ár liðin frá fæðingu hans. Auk þess leika þau hvort í sínu lagi með Andsnes Ævintýramyndir fyrir selló og píanó eftir tékkneska tónskáldið Leoš Janáček, sem margir muna eftir í kvikmynd Philips Kaufmans, „Óbærilegur léttleiki tilverunnar“ og hina ljúfu Sónatínu Antonín Dvořák í G dúr, ópus 100 fyrir fiðlu og píanó.