Fréttir
LISTAHÁTÍÐ KYNNT Í HELSINKI
Sendiráð Íslands í Helsinki stóð á dögunum fyrir kynningu á Listahátíð í Reykjavík. Kynningin var haldin í sendiherrabústaðnum í samvinnu við Listahátíð í Reykjavík og sýndu gestir hátíðinni mikinn áhuga.
Elín Flygenring, sendiherra, kynnti hátíðina, stiklaði á stóru í fjörutíu ára sögu Listahátíðar og sagði jafnframt frá nokkrum viðburðum sem verða á dagskrá í vor. Meðal listamanna sem komu fram á kynningunni var Auður Hafsteinsdóttir, fiðluleikari, sem búsett er í Helsinki. Auður er meðlimur í Tríó Nordica sem hélt tónleika á síðustu Listahátíð.