Fréttir
Amiina hélt stofutónleika í Garðskagavita
Hljómsveitin Amiina, sem kom fram á Stofutónleikum Listahátíðar í vor, var með stofutónleika í Garðskagavita sunnudaginn 28. júní, í tilefni Sólseturshátíðar sem sveitafélagið Garður stóð að. Þetta voru fyrstu tónleikar Amiinu eftir tónleikaferð þeirra um Ítalíu en því ferðalagi lauk í síðustu viku.
Sjá nánar um Sólseturshátíðina hér
Í Garðskagavita stendur jafnframt yfir sýningin Brennið þið, vitar! Listahátíð í vitum umhverfis Ísland. Gjörningaklúbburinn sýnir þar undir heitinu Vitaskuld, auðvitað sem opnaði á Listahátíð í Reykjavík 17. maí s.l. og stendur gestum og gangandi opin til 3. ágúst.
Ljósmyndin er frá stofutónleikum Amiinu í húsi Hannesar Hafstein á Listahátíð í maí.