Dagskrárbæklingur Listahátíðar í Reykjavík 2009. Heildaryfirlit yfir hátíðina sem stóð frá 15. - 31. maí.

Nýlega var sagt um hana í stórblaðinu New York Times að hún væri á hátindi ferils síns og undraverður túlkandi.

Norskar hjólhýsakonur víðsvegar um Reykjavík 16. - 31. maí. 5 stórir skúlptúrar á hjólum eftir Marit Benthe Norheim. Tónlist eftir Geir Johnson.

Listahátíð í Reykjavík 2009 stendur í sumar að myndlistarsýningu í fjórum vitum hringinn í kringum landið, einum í hverjum landsfjórðungi. Listamönnum hefur verið boðið að setja upp verk sín í vitunum, sem verða opnir ferðalöngum fram yfir verslunarmannahelgi.

Gennadij Rosdestvenskij hefur verið einn fremsti hljómsveitarstjóri Rússlands í næstum hálfa öld og vakið eftirtekt um allan heim fyrir sérstæðan stjórnunarstíl sinn.

Trio Nordica var stofnað árið 1993 af þeim Auði Hafsteinsdóttur fiðluleikara, Bryndísi Höllu Gylfadóttur sellóleikara, sem eru í hópi fremstu hljóðfæraleikara landins, og Monu Kontra, kunnum píanóleikara frá Svíþjóð, og fagnar því 15 ára afmæli sínu um þessar mundir.

Lhasa de Sela er amerísk-kanadísk söngkona, lagahöfundur og sagnaskáld sem syngur á ensku, frönsku og spænsku.

Víkingur Heiðar er nú þegar orðinn stórstjarna í tónlistarheiminum og hefur hlotið fjölda verðlauna.

Við leitumst við að sýna fram á að hinar ýmsu birtingarmyndir listrænnar tjáningar geti rakið uppruna sinn til einnar og sömu uppsprettu.  Markmiðið er ævinlega að gera áhorfandann að þátttakanda í verkinu. Skreytingar, popptónlist og afþreyingarbókmenntir gera ekki þessa kröfu til áhorfandans, heldur ýta undir vellíðan og fullnægju.

Hjaltalín stendur fyrir sínum stærstu tónleikum frá upphafi á Listahátíð í Reykjavík. Sérstök kammersveit hefur verið sett saman og kemur hún fram með Hjaltalín á tónleikunum.

Kammersveit Reykjavíkur flytur verk eftir fjögur þekktustu kventónskáld  austursins á Listahátíð og stýrir hinn rússneski stjórnandi og píanóleikari, Vladimir Stoupel, tónleikunum.

Strange Fruit eru litríkir og hrífandi götulistamenn frá Melbourne í Ástralíu sem mun setja svip sinn á borgina á opnunarhelgi Listahátíðar í Reykjavík, 15. og 16. maí, bæði við setningu hátíðarinnar og einnig daginn eftir í miðborg Reykjavíkur.

Listamannahúsið START ART stendur fyrir gjörningi tileinkuðum þeim konum sem þvoðu þvott í gömlu þvottalaugunum í Laugardal.

Hjálmar Sveinsson stýrir málþingi á vegum Listahátíðar og fyrirlesarar eru Eiríkur Örn Norðdahl, María Kristjánsdóttir, Þórunn Erlu Valdimarsdóttir, Hjálmar H. Ragnarsson, Gestur Guðmundsson og Ragna Sigurðardóttir.

Í Óðamansgarði var frumsýnd í Þórshöfn haustið 2006 og verður sett upp í nýrri sviðsetningu á Listahátíð í samvinnu Þjóðleikhússins og Tjóðpallsins í Færeyjum.

Spádómur völvunnar er sýnilegur á mörgum sviðum í því samfélagi sem við höfum búið okkur í dag, en við hlustum ekki, sjáum ekki og þykjumst ekki skilja. En við eigum von um nýja fæðingu, nýtt upphaf. Sú von er fólgin í þeim skilaboðum sem “Seiður völvunnar “ flytur.

Ný íslensk ópera eftir Sigurð Sævarsson byggð á samnefndri sögu Sigurðar Nordal.

Breska tríóið Tiger Lillies hefur aldrei brugðist því hlutverki að koma áheyrendum og áhorfendum á óvart með einstökum og allt að því afbrigðilegum tónlistartilþrifum.

Nú er dögun nýs lýðveldis! Þú gengur inn í nýjan heim við Hverfisgötuna. Flóttamannabúðir fyrir utan Þjóðmenningarhúsið eru táknmynd þess hvernig komið er fyrir sjálfstæði Íslands á tímum efnahagslegrar kreppu, fólk er svo gott sem fangar í eigin landi.

Stórsveit Reykjavíkur pantaði á síðasta ári heila tónleikadagskrá hjá tónskáldinu, útsetjaranum og saxófónleikaranum Bob Mintzer í New York, en hann hefur verið í fremstu víglínu stórsveitaheimsins undanfarin 30 ár og er ein skærasta stjarna hans í dag.