Víðsvegar um Reykjavík / Module

Module undir stjórn Ladån/The Mobile Box, er hreyfanlegt sýningarrými sem hefur haft viðkomu í ýmsum borgum Evrópu, en á meðan Listahátíð stendur yfir verða þar tíu listviðburðir.

Staðsetning hvers viðburðar er undir viðeigandi listamanni komin og hver sýning er undir áhrifum staðsetningarinnar og umhverfisins þar sem hún fer fram. Module er samvinnuverkefni hópanna Lådan/The Mobile Box (Mari Lagerquist, Henrik Andersson, Nina Lassila, Lina Persson og Olle Essvik) og Skuli Art Project, sem starfar í Reykjavík (Ólöf Helga Helgadóttir, Karl Bergmann Ómarsson, Hye Joung Park, Elín Anna Þórisdóttir og Þóra Gunnarsdóttir). Sænska listakonan Mari Lagerquist átti upptökin að verkefninu árið 2005 og það var á dagskrá bæði Gautaborgartvíæringsins og Istanbúltvíæringsins árið 2007.

 
Module
Víðsvegar um Reykjavík
Frá 15. maí