Í gær var sýndur í Sjónvarpinu kynningarþáttur um dagskrá Listahátíðar sem hefst af fullum krafti í lok næstu viku. Í þættinum var spjallað við aðdáendur og álitsgjafa, kíkt inn á æfingar á dans- og leikverkum og sýnd eru myndbrot af þeim erlendu stjörnum sem sækja hátíðina heim í ár. Smelltu hér til að horfa á þáttinn.

Á Rás 1 á laugardaginn flakkaði Lísa Pálsdóttir á milli myndlistarmanna sem undirbúa sig nú af kappi fyrir myndlistarverkefnið spennandi (I)ndependent People, sem leggur undir sig borgina á Listahátíð. Smelltu hér til að hlusta á þáttinn.

Dagskrárbæklingur Listahátíðar er einnig kominn út, og verður aðgengilegur víða um borg. Flettu bæklingum á vefnum með því að smella hér eða sendu okkur heimilisfangið þitt í tölvupósti á netfangið artfest@artfest.is og við sendum þér hann um hæl!