21. maí — 5. júní 2016
 
Innri-vefur-2040x380_7

Eyrarrósin – upplýsingar fyrir umsækjendur

 

Eyrarrósin verður veitt í þrettánda sinn í febrúar 2017. Viðurkenningin er veitt fyrir framúrskarandi menningarverkefni utan höfuðborgarsvæðisins (á starfssvæði Byggðastofnunar). Markmið viðurkenningarinnar er að beina sjónum að og hvetja til menningarlegrar fjölbreytni, nýsköpunar og uppbyggingar á sviði menningar og lista. ByggðastofnunFlugfélag Íslands og Listahátíð í Reykjavík hafa staðið saman að verðlaununum frá upphafi árið 2005.


Hverjir geta sótt um?

Umsækjendur um Eyrarrósina geta meðal annars verið stofnun, tímabundið verkefni, safn eða menningarhátíð utan höfuðborgarsvæðisins.


Hvað þarf að fylgja umsókninni?

Eftirfarandi gögn þurfa að fylgja öllum umsóknum. Athugið að umsóknir verða ekki teknar til greina nema neðangreindar upplýsingar fylgi.

 

Lýsing á verkefninu
Lögð skal fram greinargóð lýsing á starfseminni/verkefninu, umfangi þess, sögu og markmiðum.

Starfsáætlun næsta árs og framtíðarsýn
Skila skal ítarlegri starfsáætlun næsta árs ásamt greinargóðri lýsingu á framtíðarsýn fyrir starfsemina/verkefnið.

Upplýsingar um aðstandendur
Lagðar skulu fram ítarlegar upplýsingar um helstu aðila sem að verkefninu standa og grein gerð fyrir þeirra þætti í því.

Fjárhagsáætlun
Umsókn skal fylgja fjárhagsáætlun ársins 2017 ásamt ársuppgjöri síðasta heila starfsárs (2015 eða 2016).

 


Hvenær er skilafrestur umsókna?

Umsóknarfrestur er til miðnættis 15. janúar 2017 og verður öllum umsóknum svarað. Umsóknir skal senda rafrænt til Listahátíðar í Reykjavík á netfangið [email protected]


Hvernig fer valið fram?

Valnefnd er skipuð fulltrúum frá Byggðastofnun, Flugfélagi Íslands og Listhátíð í Reykjavík auk menningarfulltrúa af starfssvæði Byggðastofnunar. Valnefnd fer vandlega yfir hverja umsókn og fylgigögn.
Af umsækjendum verða sex verkefni valin á Eyrarrósarlistann og af þeim hljóta þrjú verkefni tilnefningu til sjálfrar Eyrarrósarinnar. Eitt þeirra hlýtur Eyrarrósina 2017 en henni fylgja 2.000.000 kr. peningaverðlaun. Hin tvö tilnefndu verkin hljóta einnig peningaverðlaun; 500 þúsund hvort.

 

Verðlaunin verða afhent við hátíðlega athöfn í Verksmiðjunni á Hjalteyri, í febrúar 2017. Eliza Reid, forsetafrú og verndari Eyrarrósarinnar afhendir verðlaunin.

EYR_sponslogo-f-vef